اهلا عصومه كيف حالك..؟؟كيف حالكم يابنات مشتاقه لكم مره
والله لكم فقده يالشيون
انا بصراحه سرت عصبيه ولااتحمل اي كلمه وعلى اتفه شئ ابكي
ومثل ماقالتkarmaالوحده هبلتبنا بالذات ماعندي اطفال يطلعون صوت في البيت
فيكون البيت هادئ بزياده يجيب الهم
وسلامتكم

هلا و الله حيا الله المعتصمه ..
موضوعك رائع .. مثل راعيته
شوفي .. انا بصراحه في بدايه الغربه .. حسيت اني صرت عصبيه جدا .. و دمعه جاهزه .. و اذا زعلت ما عندي استعداد اعتذر .. احسن ان زوجي هو الي لازم يراضيني مو هو الي جابني هنا ...... طبعا هذا اول ما جيت للغربه .. لكن الحين و بعد تقريبا 8 سنوات .. حست ان الغربه زادتني صبر ة تحمل كثير و بديت اساعد زوجي اكثر و كل ما يصير شي اعتذر على طووووول حتى لو ماني غلطانه لاني اقول هو مسكين و مضغوط و لازم اتساعد معه . ... حتى زوجي مستغرب و يقول سبحان الي غيرك .. صرت اقوى قلب شوي و صارت دمعتي عزيزه و ما تطلع الا لشديد القوي .. هذا الي خلى زوجي تحس اني شلت عنه كثير من مسؤوليات و هموم الغربه حسيت بعد ها العمر بالغربه اني قادره اتحمل كل شي و اعتمد على نفسي حتى في اعصب الظروف .... . لكن ما زلت اذا صار عندي ضغط في يوم .. يعني ضيوف و طبخ و محاضرات غير التنظيف و اروش بنتي و البسها .. ( ممكن يصير في يوم واحد و للاسف كثير ما يصير لان فيه دوريه عندنا و انا طالبه) في ذاك اليوم .. اوله وش حليلي لكن اذا ما بقى الا ساعتين او اقل و الناس يجوون .. ما ودك تكلميني لاني اكون معصبه و زوجي دايما يطلع من البيت بحكم انه ما يعرف لا بالطبخ ولا تلبيس البنت ولا بالقهوه ... يعني ممكن يساعدني شوي و بعدين يطلع فا تصير الحره في بنيتي يا عمري هي .. لكن انا بطبعي ما اضرب ابد .. يعني اكثر شي اسويه اني اصرخ عليها او اهاوشها .. و هي حساسه و تعقد متعبره في ركن .. لين تكسر خاطري و اتحسف و اقول وش ذبنها هي مسكينه ....
بس يالله الله يعدي ها الغربه على خير و يردنا ساليمن ان شاء الله


شكلي قصيت لكم قصت حياتي ..

السلام عليكم جزاك الله خير يا المعتصمه بالله وجميع الاخوات

بصراحه الغربه علمتني الصبر وخففت من عصبيتي مع ان عندي ولله الحمد ثلاث اطفال ومع
انه كانت عندي شغاله ومع اني كنت موظفه يعني راعية اجتماع وطلعه

لكن اتمنى ان ارجع وانابهدوء اكثر وان اكون قد تاثرت بما اقرا لاني بصراحه في الغربه
اكثر قراءه واطلاع اسال الله ان يرزقنا الحلم والا ناة انه ولي ذلك والقادرعليه

وعليكم السلام ورحمة الله وبركاته


ياهلا وغلا بالمعتصمه

ماشاء الله عليك موضوعك ممتاز وجاء في وقته


بالنسبه للعصبيه يالطيبه باعتقادي ان لها مؤثرات مثل ماقالت الغاليه ام تامر

ولا اعتقد ان الغربه هي سببها الاصلي وان كانت من الاسباب

والاسباب اللي ذكرتها ام تامر من اقوى الاسباب التي تؤثر على نفسياتنا

فتلقين العصبيه عندنا ترتفع وتنزل مثل مؤشرات الاسهم التجاريه :42:

والضحيه اطفالنا واحيانا تكون بازواجنا وان كانت طريقة التفريغ خاطئه مليون بالمئه
لكن وش انفرغها فيه !!!؟؟؟


لكن ولله الحمد احسن ان عصبيتي خفت عن اول بكثييييييييير وان كانت لاتزال:44:
ويرجع الفضل بعد الله لبعلي المصون -الله يحفظه- ثم بمحاولة تدريب نفسي على عدم الانفعال
واخذ الامور بهداوة اكثر

لانه اذا فكرتي بمنطق العقل وش تبي تكسبين اذا عصبتي ؟؟؟؟؟

ماراح تكسبين الا ارتفاع ضغط الدم والسكر والشيخوخه المبكره :28: ووووو

واللي صار مايتصلح بالعصبيه وقد قيل «انما الحلم بالتحلم»

واحاول دائما اني امسك نفسي ولا اعصب وان كنت اغلي من جوا:44:


وياليتنا نردد دائما(( اللهم اهدنا لاحسن الاخلاق لايهدي لاحسنها الا انت
واصرف عن سيئها لايصرف عنا سيئها الا انت ))





سلالالالالالالالام

اقول اذكري الله يا اذكري الله
الله يجعلنا من الذاكرات ما شاء الله عندك اجتماع كل شهر ؟؟؟شئ طيب واللي ماعندها ولا شئ وش تقول ؟؟
الله لايضرك شفت شلون ان فيه منهو اردى منك والعيال الله يصلحهم خليها على الله اليوم توقعت
اني انهبل استغفر الله العظيم ومن كثر ما صارخت وعصبت على ابو حفاظة تندمت مع انه قهرني
ياناس اخذته من سريره وانا طبعا عند راسه وهذا تقدم بعد المهم حضنته وقعدت أبكي

بشائر
الحقيني بهالدورة يمكن تفيد احس اني تعبت والله مع اني احيانا العب معهم مثل البزران
لكن شوي وانقلب اذا انقلبوا علي

ليال شئ طيب ماتوصلت له عطينا من تجاربك

اهلا بأم الحكم والدرر ام تامر ايش هالكلام اللي يعدل الدماغ ؟؟
طيب والحل مادامك حطيت ايدك على الجروح اوصفي لنا مضادات حيوية