الغربـــه نعمه

ملتقى الأحبة المغتربات

بسم الله الرحمن الرحيم

انا بصرااحه مالي بالمقدماات حدي يعني ابدخل بالموضوع سيدى


انا من زمان ادخل هالقسم لاني من ضمنكم:pinklove2
واتباع الموضيع واقراء الردود :a_smil08:
بس الاحظ على البعض مو الكل اقول البعض
كانه بسجن يعني صح كلنا مغتربات وكلنا نشتااق لاهلنا بس فيه تعبيراات بزوود:frown:
يعني مافيه احتساب للاجر
والله ان الغربه حلوه الي يبي يعيشه والعكس
لو نفكر شوي بالغربه من ناحيه اجابيه ماضاقت صدورنا ولادقيقه يعني مفروض نحمد الله ان غربتنا للوناسه اي وناسه لاتستغربون صح ان اغلبنا جاي للدراسه بس نطلع وندخل ونتمشى وومافيه مكان مانزوره ولله الحمد ويمكن بديارنا مسوينا هالشي وبعد صرنا اقرب لازواجنا من اول وهذا المطلوب :wink:
ترى فيه كثير مغتربين بس مو زينا احد جاي غربه علاج والي غربه منفي من ديااره واللهم لك الحمد وربي عاايشين بنعمه
انا مااقول لانشتاق او لانعبر بس فيه بنااات بزود يعني ماتتكلم كلمتين الا تقول يااربيه يهالغربه
وربي احسن من قبل 20او 30 سنه كانو فيه ناس تروح تدرس تجلس سنتين ثلاث اربع ماتشوف اهله
حنا ناادر مايمر سنه مانشوف اهلنا بس نشوفهم بالمسن نكلمهم شبه يومي يعني هم معنا ومش معنا
وربي حنا بنعمه بلااش تزودونه وربي اننه بنعمه نحمد الله عليه
فكري بالشغالات الي عندنا يمر سنتين ثلاثه ماتشوف اهله وبعضهن ماعنده وصيله اتصال الا الرسايل يعني متى تجي الرساله من وقت لوقت :unsure:
انا والله ما اتكلم الا من قهررري يعني الله كاتبلن الخير بهالمكان لا تستغربون وربي خير
تخيلي شوفي كيف تحافظين على صلاتك ترى لك اجر يعني هناك فيه اذان يذكرنا فيه ناس حولك يقولك عند دخول الوقت شوفي كيف انتي هينا حريصه اشد من يوم كنتي بديرتك على الصلاه وتحاولين كمان تزيدن صلاتك يعني لو نسيته او تركتيه مرااح احد يلاحظ بس انتي متمسكه فيه وتسالين اوقات الصلاه لانك خايفه من الي فوقك فهذا فيه زياده لنا بالاجر
يعني هينا بالغربه داائما اقوله يبان الانسان الصادق والكذاب مع ربه يعني فيه كثير نااس اتهاونت فيه صلاته وتجمع الاوقات مع بعض صدق انا ما اقول هذا من عندي
يعني مجرد حفاظك على دينك وتمسك فيه هينا زياده اجرباذن الله فهذي اكبر خيره اننا هينا ونحسد على هذا :icon10:
فلابد اننا نحمد الله على هالنعمه فالغربه نعمه لنـــا :heart:
فاعننا الله على شكره وحسن عباادته
وارجو انكم تتقبلون كلامي بصدر رحب:king:
بس والله ابيلكم الاجر زي ما ابيه لنفسي
واعذروني على ركاكت الاسلوب :icon8:
وقلت ابي كلامي يطلع من القلب عشان ياصل للقلب :33:

83
5K

يلزم عليك تسجيل الدخول أولًا لكتابة تعليق.

تسجيل دخول

غريبة بدنياي
غريبة بدنياي
الله يعطيك العافية
ام ريوم ورنود
ام ريوم ورنود
كلام ولا اروع الله يحفظك من كل شر

الله يردنا لديارنا سالمين يارب
شام
شام
كلامك صحيح وصائب أختي العزيزة

هون الله عليك غربتك و جمعك بأحبابك ,

وجزاك عنا كل خير
نجديه مملوحه
نجديه مملوحه
ويااكم يارب

ربي يسلمك ويغفر لنا ولكم
الغربه صعبه!!
الغربه صعبه!!
الحقيقة كلام حلو ومايختلف عليه اثنين وتسلم يدينك
بس لو تسمحين لي انا من وجهه نظري ان البنات الي يكتبون مجرد سوالف وفضفضه
لان مالهااا غير هالمنتدى تشكي همها وغربتهاااا
بنسبه لي والله اني مااجلس بالبيت روحه وجيه ياااربي لك الحمد ومبسوطه بس يجي يوم اشتاق لاهلي كثيررر بس مابليد حيله
وربي يسلمك على الموضوع الحلووو