وعليكم السلام والرحمه
الحال من بعضه يااختي بس الحمد لله هونيها وتهون بإذن الله حاولي يصير تفكيرك ان حالكم بالغربه فتره وبتعدي واعتبريها تجربه جديده . حاولي تحفظي القرآن او تدخلين معهد لغه او عن طريق النت من خلال مواقع لو جمل بسيطه تحتاجينها اذا طلعتي وتعرفي على عوائل اصحاب زوجك اكيد بيكون معه سعوديين او عرب وفيه برضو النادي السعودي بمدينتكم يصير لهم انشطه او اجتماعات احضريها وتعرفي عليهم
الله ييسر لنا ولكم ولجميع المسلمين ونرجع لاهلنا سالمين

انا كنت مغتربه وأول سنه حفظت سورة القران اولا ادعي لنفسك بالهداية واطلبيها من الله والحي بالدعاء ثانياً ضعي لك جدول وأبدي احفظي كل يوم نص وجه والله خلال سنه ختمت البقره ساعدتني كثير على خروجي من الازمه وإذا تبين قسم حفظ القران هنا بالمنتدى نشيط جداً ويتابعون معك ويتفقدونك تندمت مت كنت معاهم لما كنت بامريكا يا اخواتي الغربه فرصه ثمينه للحفظ و التفسير والعلم الشرعي أبدي ادعي لنفسك وعسى ان تكرهو شياً وهو خير لكم .

الله يعينا واياكم ويردنا لأهلنا سالمين هالاحساس طبيعي في البدايه لكن مع الوقت بتتعودين واشغلي نفسك بالطاعه والدراسه لو قدرتي لأن الجلسه لحالك تجيب الهواجيس وتخليك تفكرين كثير

السلام عليكم و الله لهو شعور واحد آه من الغربة القاتلة على الأقل انتم عندكم زوج و اولاد يعني تحسو بدفء الاسرة ، الزوج موجود بيحميكم و ايساندكم ويعوضكم على فراق الأهل أحمدوا ربكم لأنو يوجد الكثير من المغتربين ما لهم احد وحيدين في وطن غريب ، انا وحدة منهم وحيدة لااهل و لا زوج ، كنت متزوجة و تطلقت الحمد لله على كل حال ، ما رضيت ارجع لوطني خفت نضرة الناس و تشمتهم باني اتطلقت و طليقي مطردني ، اعرف لو ارجع لبيت أهلي راح اخليهم عرضة لكلام الناس و انا ما حبيت أضع والدي في موقف حرج ، قلت بجلس هون حتى ربي احلها علي يا ايجيني نصيب او اكمل دراستي ، او أدور على عمل .

اختي صاحبة الموضوع فترة وراح تعدي استمتعي بحياتك فيها الحياة برا حلوة وعندك حرية في التنقل

راح تشتاقي لهاذي الايام بعدين فلا تضيعينها بالتحسر وتنكدين على نفسك

الحين وسائل التواصل ماخلت شي كانك جالسة مع أهلك بنفس المكان

والله يهون عليك غربتك

اختي المرأة التعيسة بالله عليك غيري هالمعرف بالعكس اذا انتي بدولة اجنبية عيشي حياتك

دوري لك على عمل انفعي نفسك وأطلعي من الجو الكئيب الي انتي فيه

المرا برا عندها كامل حريتها تشتغل ووتعيش حياتها زي ماتبغا لاتخاف من كلام قريب ولا بعيد لا

علشان طلاق ولا زواج ولا غيره ولا احد له عندك شي وأحد له منه عليك

وربي يفرج همك ويرزقك بالزوج الصالح الي يعوضك كل خير