- انا في قلبي سؤال يقرقع ونفسي القى له جواب انا استوهتني فتره المسلسل الواقعي للعائله الثريه ( كرداشن ) وبنتهم كيم وباقي بناتهم كورتني .. الخ
للي ماتعرفهم هذي كيم كرداشن صاحبه اجمل جسم بالعالم ومن اثرى اثرياء العوائل في امريكا ترجع اصولهم الى ارمينيا الزبده كنت اتابعها وقت ماحملت كيم في اول حمل لها ببنتها نورث و قالتلعا الطبيبه في وحده من الحلقات احتمال تكون ولادتك قيصريه ( هنا بغت تنجن ) وقاعده تصيح واللي حولها يقولون لازال هناك امل انك تولدين طبيعي ( واللي عندنا فئه تروح بنفسها مستشفيات خاصه وتطلب القيصري عشان ماتبي تتوسع ) كانت تقول كلام كثير من بينه انها تنتظر الولاده بسرعه عشان ترجع للرياضه والرياضه كل حياتها وتشعر بارتخاء في جسمها وتبي تنشد عضلاتها وماتبي تكون طريحه الفراش في حال ولدت قيصري بترتخي عضلات البطن وتتدلى ولاتقدر تمارس الرياضه فتره طويله ايضا لفت انتباهي شي انهم يخيرون المراه تولد بشق العجان او بدون شق تدرون ليش ؟؟ عشان عضلات جسمها كلها بما فيها عضلات المهبل والعجان متمرنه صح ومن كثر التمارين صارت قابله للتمدد والرجوع لوضعها الطبيعي عشان كذا تقدر تولد بدون شق ( مو عندنا اذا قلتي لهم لاتشقون انشق العجان من نفسه لان مافيه ليونه العضله خامله طول حياتك وفجاه يجيها شد اكيد بتتمزق ) وايضا ابره الظهر هناك لايمكن يولدون من غيرها لاحظت هالشي مو بس في برنامج كرداشن بعد حتى بالافلام ايضا بعد ماولدت كيم لاسفت لهوم ولا لهمت سفوف الا قامو يحتفلون بولادتها وشربت كاس وسكي زي الثلج ولا نظام غذائي ولا خرابيط ولا كبو ولا حبله ولا اي شي بالعكس قامت تاكل سلطات واكل صحي و يتيكات بدون صوصات وكورن فليكس حق الرجيم مع حليب بارد الحين ودي اسال سؤال
ماعندهم انظمه وقائمه ممنوعات وواجبات ولا عندهم سدحه بالسرير طول الاربعين ولا عندهم ممنوع هالشي ومسموح هالشي الان بتقولون لي اكيد متوسعه وحالتها حاله
طيب تدرون اني سويت بحث عن مراكز تضييق وتجميل للمهبل عندهم بامريكا لقيت انها شبه معدومه ( شبه معدوومه ) دخلت حساب بتويتر لدكتوره نساء وسويت لها فولو اشوف استفسارات الحريم برى هي نفس استفساراتنا تدرون اقسم بالله كنت متوقعت ( لحقيني توسعت ) ولا ( صرت خربانه وش اسوي ) ولا ( ابي افضل مستشفى يخيط زين بعد الولاده ) ولا ( خلطات انجاب جنس معين ) اقسم بالله ان نص الاسئله عن نصائح للولاده و يسالون عن متى يبدون بممارسه الرياضه ويسالون عن رياضه نط الحبل و ازاله ندبات الغرز في البطن وامكانيه الولاده طبيعي في حاله الطفل المقعدي و عن كريمات البشره وقت الحمل ومتى يستمر دم النفاس و اول جماع بعد الولاده متى يكون الزبده مالقيت اي طاري لمستشفيات تضييق او شي من هالقبيل اساسا مفهوم التوسع كله صعقققت انا يوم اقرى ماعندهم هالمفهوم هذا معقوله هم صح واحنا كللل نظاماتنا وسفوفنا ولهومنا وريحه الحلبه اللي طلعت من خشومنا وهالاعشاب والتسدح والتبطح بالسرير اربعين يوم وهالاكل الدسم واللحوم وريحه النفاس اللي نشمها من قبل ماندخل البيت والذبان اللي عليها عشان ماتروشت خايفه تتوسع وقائمه ممنوعات وقائمه مسموحات والكبو وريحه البصل والرمان محروقين وفوق هذا كله فوق كل اللي نسويه مليانه العيادات جميع انواع التضويق وهم لاتضويق ولا غيره ؟!
مين الصح ومين الغلط سبحان الله عقولهم غير تماما عننا وثقافتهم غيبير