حبيت أعطيكم طريقتي بالغريبة حلوة وسهلة ولذيذة ومايبيلها شي ... وصورتها لكم لمن سويتها علشان تجربونها ...... وآنا دايما أسويها وطريقتها من أحد الكتب ... لكن صج إذا جربتيها ماراح تستغنين عنها ...
وهذي صورتها
والحين نبلش
المقادير:
2 كوب طحين أبيض
2 كوب نخي مطحون ناعم جدا جدا جدا ومحمص على النار لمدة 10 دقائق
1 كوب سكر ناعم
1/2 كوب زبدة سايحة (مايعادل قالب 115 جرام)
1/2 كوب زيت
الطريقة:
نخلط الزبدة + الزيت + السكر حتى يذاب السكر فيهم طبعا بالإيد،،، بعدين ناخذ الطحين ونصبه عليهم وبعدين ناخذ النخي المطحون ونصبه ونعجن لمن تتشكل العجينة بإيدك وماتتفتفت طبعا يمكن يبقى شوي من النخي ماتحتاجينه مومشكلة .. بس الاهم لاتصبينه كله .. شوي شوي لمن تتشكل عندج عجينة قابلة للتشكيل.
الحين كوريهم وحطيهم في صينية فرن وباعدي بينهم علشان مايلصقون ببعض .... وحمريهم في فرن درجة 160 من تحت .. لمدة بسيطة ترى يمكن 10 أو 15 دقيقة موأكثر وعلى حسب الفرن وبعدين حمريهم من فوق .. وأول مايتحمرون خلاص طلعيهم وخليهم في صينية الفرن لمن يبردون علشان مايتفتفتون معاج ... وألف صحة وعافية
إنشاءالله تعجبكم !
هل تسمحين لي بسؤال ما تقصدين بالنخي؟؟ ولماذا تحمصينه هكذا يطلع لون الغريبة غامق شوي.
أنا لما أعمها يكون لونها فاتح؟؟؟
لكي ألف شكر وسأجرب طريقتك بس أعرف ويش النخي؟؟
:26: تسلمين لنا والف شكر.
ميـرا