الغريبة على أصولها

السلام عليكم أخواتي هذي اول مشاركة لي في هذا القسم هذي مدة وانا نحاول نشارك من خلال ارفاق صور لكن دون جدوى هنا حبيت نشكر أختي el hak هي الي فهمتني
على هذا الشيء حبيت المشاركة الأولى تكون بالحلوة الي نحبها وهي ا ل غ ر ب ي ة نموت عليها
نبداو بالمقادير

250 غ زبدة أو مارغرين margarine
2 كأس سكر رطب icing sugar
2كاس زيت نباتي
معطر الفانيليا
الدقيق الكمية غير محدودة نشرح بعدين
شيء تاني و مهم حتى تنجحي في اعدادها هي الحفاظ على سخونة الفرن يعني في كل مرة قبل ما تحطي الصينية لازم تخلي الفرن يسخن جيدا

نأتي إلى طريقة التحضير
نأخذ الزبدة على درجة حرارة الغرفة نضعها مع السكر و نخلطهمبواسطة المضرب الكهربائي والي ما عندها تقدر بواسطة أيدها وأنا بالعادة استعمل اليد نخلطهم حتى نشوف انو الخليط اصبح مشرب البياض في هاته الأثناء نضيف الزيت و نخلط حتى تتداخل المكونات وآخر شيء نضيف الدقيق المنخول و الفانيليا حتى الحصول على عجينة طرية وناعمة ركزوا على الكلمتين تعملهم كور و التزين كل واحدة و شطارتها ندخلها للفرن يكون سخن كثير على درجة حرارة 200 من تحت مدة 10 دقائق أنا هذه هي المدة و الحرارة الي معتمدتها بالنسبة للفرن تاعي بعدين
نشعل الشواية ونراقب راح تلاحظون تشققات تظهر على الحبات وهذا هو المطلوب و اتركيهم يأخذوا لون
و بصحتكم أو نتمنى أنكم تجربوها أو تبعوا الخطوات