يمكن الي تقصدي نوعية جديدة غير الي قالوا عنها البنات الي هي المجفف ياريت والله يكون كذا نرتاح من الكوي ياسلام

ومشكورة يالغلا

حبيت افيدكم
انا متزوجه لي 9 سنين وغسالتي عاديه مو اتمتك وتعبت من كثر النشر والجو ما يساعد
والنشر لحاله يهلك ولازم يوم ثاني المها وكنت كل الملابس المنشوره
اكويها حتى الداخليه لعيالي ولما اشتريت النشافه الحراريه والله مرتاحه
اغسل وانشف في العاديه وبعدين النشافه الحراريه وتطلع الملابس حاره كانها مكويه
بس امسحها بيدي واطبقها ولها الحين حوالي 6 شهور وانا ما شغلت المكوه راميتها فوووق الدولاب
بس الثياب البيضاء لزوجي والغتر عند الكواي اصلا تطلع ممسوده بس يبيلها شوي كوي
تعبت من الكتابه
سلامتكم

مرحبا اخواتي .. واعتذر عن التأخير في الرد عليكم ..

غسالة جنرال الكتريك أنا سمعت إنها بـ 5 آلاف ريال ( حجم 10 كيلو) وتجفيف 100 % ..

وبالنسبة للغسالات اللي تنشف 70% أو 80% فهي تختلف عن اللي أنا أقصدها ..

على العموم .. أنا ماعندي هالغسالة اللي تجفف حرارياً .. وطلبت ماركة جنرال الكتريك ومالقيتها .. ولقيت ماركة ( ميتاج).. وهي طالعة مثل الغسالتين فوق بعض .. وحده للغسيل والتجفيف العادي .. والثانية للتجفيف الحار ..بس ما أدري عن جودتها .. وممكن تحصلون المجفف لوحده ( وهذا المنتشر في السوق .) والسعر تقريباً مابين 1200 إلى 1800 ريال سعودي ..

الكل يمدح هالمجفف .. والكل مرتاح معاه .. ويطلع الملابس نااااشفه .. وماتحتاج كوي .. حتى وحده هنا بالمنتدى قالت أنا أطلع المفرش منه وعلى طول على السرير ..

غسالتي حالياً هي ( LG ) آخر موديل منها .. وبصراحة مرتااااااااحة معاه مرة .. وتنظيفها مثل تنظيف الغالسة العادية ويمكن أحسن بعد .. وغير كذا إذا ماحبيتي تخسرين الموية اللي غسلتي فيها وحبيتي تطلعين الملابس وتحطين بدالها ملابس ثانية ممكن تضغطين زر ( غسيل) فقط .. وماتضغطين على ( شطف) أو ( تجفيف ) .. وتسكرين غطاء الغسالة .. وأول ما تخلص راح تسمعين الجرس .. وما تكب المويه مثل باقي أنواع الغسالات اللي لازم تخلين الغطاء مفتوح حتى ماتكبها ..
حجمها ( 11 كيلو) ... وسعرها 1900 ريال ..
وما أحس إن الملابس خربت معها ..بالعكس ..

أتمنى أكون أفدتكم .. وبالنسبه للمجفف الحراري تقدرون تسألون في المحلات وهناك راح يفديونكم أكثر .. لأن كل ماركة تختلف عن الثانية ..

اختي الغاليه ام شماني
اسمحيلي يا غاليه وسامحيني اذا فهمتي قصدي غلط انا مو قصدي انك انت تبالغين ابدا والله يا غاليه
انا قصدي انه اللي قالوا انها مكويه تماما الملابس بالغوا شوي بالكلام مو كل الملابس تطلع مكويه تماما لانه يعتمد على نوعية القماش في قماش يحتاج ينكوي شوي

واللي اقصدها نعم هي غساله بنشافه (مجفف حار) ويطلع بخار لها مثل الهوز (نبريج = لي) عريض شوي ويطلع بخار حار والافضل يكون فيه مكان فيه تهويه او واسع لو شويه عشان المكان بيصير مرطب شوي من البخار وهذي فعلا اللي عند اهلي بس هي منفصله عن الغساله ونوعيتها مثل ما قلت لك نشافه (مجفف) نوع كونكورد بس ما شفت منها بالسعوديه للكنكورد في نوعيات ثانيه الظاهر اللي عند اهلي في ابوظبي شارينها اللي هي كونكورد

بس في نوعيات ثانيه كثيره

اللي عندي حاليا في شقتي هي ايطاليه وهي غساله ومنشفه مجففه 100% بس ما تطلع الثياب شبه مكويه مثل اللي في بيت اهلي بالعكس تطلعهم معفطين شوي

اما اللي عند اهلي نوعية كونكورد مجفف لحاله فهي تطلع الثياب شبه مكويه واحيانا الثياب اللي نوعية قماشها ما تتعفط كثير ما تحتاج كوي خاصه ثياب البيت

دايما اللي تكون منفصله افضل تجفيفها بكثير من اللي تكون في نفس الغساله
حتى احسن عشان لو خربت الغساله لا تخسرين معها النشافه بنفس الوقت
جيبيهم منفصلات بس ينحطون فوق بعض وبكذا ترتاحين :)

والف تحيه حبوبه