الغساله الاماميه هل تطلع ريحه شينه في الملابس؟والعلويه بعامود هل تخرب الملابس؟

عزيزتي انا عندي ارستون وتقريبا لها سنتين والحمد لله تمام والملابس تطلع نظيفه ولا فيها اي رائحه سيئه طبعا هي اماميه
بالنسبه للمفارش والبطانيات انا حقتي صغيره احط المفارش الخفيفه وانا اشوف ان الغسالات الاماميه اوفر في المويه
الصابون استخدم تايد
اما الامان اذا كانت تشتغل ما احد يقدر يفتحها ابدا واذا خلصت افصلي الكهرب علشان لو احد فتحها ما يلعب او يتضرر منها

كلام كاكاو ميه ميه
الاماميه امان اكثر يعني طول مالغساله تشتغل مستحيل تنفتح
وتوفيرها للماء رائع
وكمان العلويه حلوه بس ع مااعتقد تاخذ مويه اكثر وتفتحينها وهي تشتغل
والصابون المستخدم اي نوع تفضلين عاادي
بالنسبه للبطانيات والمفارش الكبيره ع حسب حجم الغساله
وكم كيلو تاخذ اسألي عن النقطه هذي صاحب المحل 

ماقصرو البنات

الغساله الاماميه عندي
قالنا المهندس حق الصيانه نخليها مفتوحه الى مايجف المويا عشان ماتتعفن الجلده اللي فيها

بنات حبيت اسال بخصوص الغساله الاماميه
هل تطلع ريحة في الملابس بعد استخدام لفتره طويله ؟ يعني بعد سنه او سنتين ؟
لا ماتطلع ريحه
لاني شفت كم وحده في النت يقولون انها تطلع ريحه شينه في الملابس بعد استخدام طويل لها ,لانها ماتصرف الماء بشكل صحيح فتتكون فطريات بعد فتره وتطلع ريحة بالملابس
اذا الغساله ماتصرف مويه بشكل صحيح يكون فيها عطل اي كان نوعها سواء كانت اماميه اوعلويه
لغساله الاماميه تنظفونها بين فتره وفتره ؟وكيف تنظفونها؟
انظفها اشغلها على دوره نظافه واحيانا احط فيها خل ابيض او شوي من ملح غساله المواعين
وانظف جلدتها تكون بثناياها فيه شعر او ازارير
وتحت فيها لي تصريف وفلتر اسحب الفلتر وانظفه وارجعه مكانه
التنظيف مره بالشهر

وعادي تغسلون فيها البطانيات اذا كان حجم الغساله كبير ولا ماتتحمل ؟
انا غسالتي كبيره اغسل فيها الستايرو شراشف النفر والنفرين اللي محشيه قطن اما البطانيات الفرو اغسل فيها النفر اما النفرين اخاف عليها بصراحه وارسلها للمغسله

وهل فيها نظام حمايه للاطفال ؟ يعني تقفل اذا كانت طافيه اومشتغله ؟
فيه نظام حمايه اذا كانت شغاله فقط تقفل
لان كثير يقولون لي خطره ممكن الاطفال يركبون فيها ويخربونها

والصابون الخاص فيها هل اللي يوفره بس الشركات المشهوره مثل اريال وتايد ؟
لا توفره الشركات الثانيه زي بنده والوطني بس الحق انا استخدم اريال او تايد بس يطول عندي فتره طويله مو مثل الغسالات الثانيه تستهلك صابون
ولا حتى الشركات الرخيصه مثل وطني و وفير بلاس واكسترا وايت ,عندهم صابون للغساله الاماميه ولا ؟

وعادي تحطونه فيها صابون الوزير ؟ او لوكس مبشور ؟ او شامبو للعباية ولا مايصصلح؟
احط فيها شامبو العبايه لكن الوزير ماانصحك ابدا لانه يسد الغسالات ويتجمع مثل الشمع ومع كثره استعماله بتخرب الغساله انا ماستخدمه ابدا بالغساله لكن انقع فيه بكروانه وبعدين احط الملابس بالغساله واحط لها تشطيف وتجفيف من غير غسيل
---------
وبخصوص لغساله العلويه اللي بعامود
سمعت بعضهم يقولون انها تهري الملابس وتمططهم , وتقطع الازره ؟ صحيح الكلام ولا؟
شوفي انا اخذتها قبل اللي عندي الحين اتذكر ان عيبها انها مسرفه بالمويه والصابون بشكل كبير تعبي 3مرات وماعجبتني نظافتها بالغسيل كلها ساعه بالكثير وهي مخلصه شغلها ومافيها تجفيف مثل الاماميه

وياليت كل وحده تدخل تكتب اسم غسالاتها ونوعها اماميه وعلويه وتقول رايها عنها ؟
غسالتي ال جي البخاريه اماميه
لها عندي3سنوات تبارك الرحمن وبرمضان الجاي تكمل 4
جدا مريحه وفيها نظام غسيل صحي اغسل فيه ملابس الصغار والاشياء اللي اخاف عليه يخرب واغسل فيه البطانيات بعد هالنظام نسيت شي اسمه بق او عته ويخلصك من حساسيه الفراش

واكثر شي عجبني فيها انها اذا فيها اي عطل يكتبلك نوع العطل اللي بالغساله على الشاشه واتصلحيه انتي بدون ماتحتارين ايش فيها الغساله؟
غسالتي القديمه علويه امريكيه عطلها كثير اذا ماصرفت مويه اشيك على اللي تبع التصريف يطلع مافيه شي؟
اشيك على الفلتر يطلع نظيف؟؟؟
اخر شي تجي الصيانه ويطلع ماطور الشفط خربان؟؟؟

لكن ال جي تكتبلي ان فيه مشكله بلي التصريف واعدله تروح المويه
ويكتبلي ان الكهرباء انقطعت عن الغساله ولما اشيك يطلع التوصيله متحركه
وعجبتني بالمويه مررررره ماتسرف بالمويه ولا الصابون يطوووول عندي مو مثل اول كل شهر نازله اشتري صابون
وانتي اسالي عن صناعه الغساله ومين وكيلها واذا وكيلها عبداللطيف انصحك لاتاخذينها ابدا

دعواتك بالزوج الصالح عاجلا ليس اجل