الغش قبل الزواج

أخواتي الكريمات القصه الي بقولكم عنها قصه حقيقيه حدثت لاخو صديقتي وراح أسردها لكم طلبا للمشوره والنصيحه القصه أن أم الولد رغبت تزوجه ببنت أختها السا كنين في إحدى المدن الصغيره التي تبعد عن الرياض وترجع رغبتها في دلك لان على حد قولها البنت راعيه صلاه ومتخرجه من كليه التربيه(لغه عربيه)وقنوعه أهلها ماربوها على الدلع وتحس أن بنت أختها ست بيت المهم الام أقنعت ولدها على أساس أنها هي الي تناسبه بالرغم من أنها أكبر منه بسنه وتم الزواج ,بعد الزواج بشهر ولما جو من السفر لاحضت ام الولد أن البنت تضحك أحيانا من دون سبب ,وأغلب الوقت تكون نايمه ولاتتلبس وتتزين مثل أي عروس وبعد شهر من زواجهم جت أمها وقعدت عندها أسبوعين وكانت بها الفتره البنت طول الوقت نايمه وام البنت تغسل الملابس وتطبخ وتنضف البيت ولما سألتها أختها عن سبب مجيئها وسكنها عند بنتها وهي عروس وليش هي الي تشتغل بدل بنتها قالتلها هدا بيت بنتي أجيه شرعا بالوقت الي يناسبني وماحد له دخل فيني المهم ام الولد شكت من تصرفات البنت الغير طبيعيه ومحاولات أمها للتستير عليها ولما سافرت ام البنت طلعت لها خالتها أم الولد وحاولت بأسلوب تعرف منها ليش طول الوقت نوم وأحيانا كلامها غير منطقي فأعترفت لها البنت أنها مريضه نفسيه
وليها إضطرابات نفسيه ووسواس قهري وتاكل علاجين واخر جلسه لها مع الطبيب كانت قبل زواجها ب 10 أيام وانها حاولت تقول لخالتها بس أمها وخواتها منعوها وشالو منها كل التيلفونات وامروها أثناء الملكه تكون مجرد مستمعه ولاتتكلم المهم أنصدمت الام لانهم غشوها وقلبو فرحتها نكد بأعز وأكبر عيالها وقامت وخبرت ولدها وقال لامه أن البنت قالتله وهم بشهر العسل وان خلاص ماعاد بيده شي غير أنه يصبر عليها إلى أن تطيب ,ولما واجهت أم البنت وقالتلها ليش تغشيني حسبي الله عليك ونعم الوكيل قالت ام البنت بكل بجاحه حنا ماغشيناكم بنتي مافيها شي بنتي ماتشقق ملابسها ,ولاتطلع بالشارع مثل المجانين كل الي فيها صداع وتاكل بنادول وكل الناس تتعب وتاكل بنادول ,وبعدين قام أبو البنت يهدد أم الولد
ويقولها لاعاد تدخل على بنته وكل الناس تمرض مرض نفسي والحين أهلها يحولون أنها ماتختلط بالناس مع العلم أن زوجها عسكري وأغلب الوقت مرابطه والبنت تخف على العلاج
بس كل شي تقوله إدا شافت الناس لو عن زوجها واحيانا تتخيل وتقول أشياء ماصارت وتسبب مشاكل بين الناس ,المهم أبو الولد سافر وجاب تقرير عن حالتها لانه خايف على ولده مستقبلا إدا جاله عيال وأثبت التقرير أنها مريضه والولد رافض الطلاق لانه يرحمها وهو صغير مايفكر بالمستقبل مين بيشيل عياله إدا أمهم مريضه وهو بعد شخصيته ضعيفه وأقنعته أم البنت أنه يصبر عليها ومصيرها بتشفى وتكون طبيعيه.
صديقتي وأمها واهلها كلهم مهمومين بسبب هدا الزواج وام الولد ماتاكل لان أختها ضحكت عليها وماراعت الاخوه المهم أبي أرائكم والحل في هده المشكله بارك الله فيكم .