صراحة يا أختي تفاجأت بكلامك غيري طريقتك مع العائلة 

اننا كانو كذا بس بالكل لا كلن لحال مثلك مزهريهةماتعودت ولا اسولف ومااحب هالطبع الاقشر الله يعينك

يااختي الغالية صراحة يوم قرات ماكتبتيه احترق قلبي قهرا وحرقة لانه اصلا محرم شرعا والصدق احب القصيم واهلها والمعروف عنهم الدين لكني انصدمت بهالعادات الي للاسف ماانزل الله بها من سلطان ومحرمة شرعا ومعليش الشرع خط احمر لا احد يتعداه ياختي الغاليه انا انصحك لوجه الله لا اريد منك جزاءا ولا شكورا لاتتهاوني ابدا بهالامر وخلي زوجك يزعل المهم رضى ربك سبحانه لانك على الحق وللاسف وصلنا عام 1436 هجري وباقي العادات الجاهليه والتخلف باقي موجود لان الناس تركض ورى الدنيا وتناست الاخرة والعقاب والحساب والجنة والنار وبهالزمن ماله احد عذر بالجهل بالشرع والدين التقنية حجة عليك ان لم تكن حجة لك فياغاليتي. انتم بالقصيم عندكم مشايخ قمة بالدين والورع والخير العظيم لازم المشايخ عندكم يتكلمون بهالامور ولازم الي يتحجج انه لايعلم بحرمته يعرف انه محرم شرعا هالتصرف والرجل الغيور على اهله لايرضى لزوجته انها تجلس امام اخوانه الرجال بمجلس واحد بحجة التواصل وعدم القطيعه والله جدا حزنت عليك اختي خليكي قويه على الحق خليهم يزعلون المهم رضى الله سبحانه صراحة عجزت اعبر لك عن شعوري انه يستحلون الحرام بلا اي احساس ولاخوف من الله عموما خذي هالروابط وادخليها واقرئيها كامله عن نفس وضعك ياختي الغاليه وسبحان الله الشرع جعل المرأة المسلمة درة مصونة لزوجها ومحرمها فقط وهذا ابسط حق من حقوقك انك تقعدين بمجلس للنساء فقط بدون اي اختلاط بالرجال وشوفي يالغاليه اقسم لك بايات الله اذا صدقتي من كل قلبك انك ترفضين التصرف المحرم ذا لأجل الله سبحانه صدقيني سترين تأييد الله لك ونصرته لك لان الله سبحانه أغير عليك من زوجك واهلك واتمنى كل من بحالتك لاتسكتين عن الحق فالساكت عن الحق شيطان اخرس والساكت عن الحق يعني رضاه التام بهالمنكر الفظيع فالله ماحرم هالشيء الا لانه فيه مخاطر عظيمة وفيه ضرر للمراة المسلمة واتمنى تفتحين هالرابط
http://www.fin3go.com/newFin/main/topicpreview.php?ditopicid=947&action=3
وتقرئينها والله ينصرك واصدقك لو كانت مكانك لأقمت عليهم القيامة لأنه لاطاعة لمخلوق في معصية الخالق والي مايعجبه شرع الله سبحانه ويعترض عليه لن اوافقه ولو كلفني حياتي وسندعوا لك بالنصر العاجل واتمنى تكونين انتي باب خير عليهم وتنكرين هالمنكر ولو غضبوا اجمعين فلايهمونك وحطي امام ناظرينك رضا الله عنك فقط وليس سواه واتمنى من كل قلبي تندثر هالعادات المحرمة من كل بلاد المسلمين اجمع واعتذر ع الاطالة لكنه والله لي فترة طويله تركت المنتدى لكن يوم قرأت قصتك جزمت ادخل وارد الا هل بلغت اللهم فاشهد واللي قاعدة تقول عادي اتقي الله ولاتتهاوني بشرع الله سبحانه واستغفري فكل منا محاسبة بقبرها على ماتقوله وتكتبه كما قال تعالى : وتلك حدود الله ومن يتعد حدود الله فقد ظلم نفسه ).

الله يجزاك خير اختي محبة القصيم كفيتي ووفيتي
وشكرا لكل من رد علي

أنا الآن وضعي الحمدلله أحسن من قبل ... كل ماله يتحسن
صرت ما اروح لهم واجد .. واذا رحت ما اجلس مع الرجال
مع انهم الى الآن مايحطون قهوة للرجال وقهوة للحريم .. لا اذا خلصوا الرجال جابوا قهوتهم 
مادري هذا تطفيش ولا عجز وكسل

حسبي ربي

هذي والله معااااناااااه انا اعانيهت عند حمولتي مع اني اروح لهم اجازه خمس ايام او يومين ويجلسون كلهم مع بعض بالصاله والمشكله الصاله صغيره مافي مجال اجلس واخذ راحتي بعض الاحيان اجلس بغرفتي لين يتفرقون وبعض الاحيان ادخل بغرفة الحريم لحالي وزوجي مو عاجبه الوضع ولا يبيني اجلس مع اخوانه بس المشكله بالخوات خلاص اذا جات القهوه واجلسو اخوانهم راحو واسحبو عليك وماكانك موجوده بعض الاحيان اكون بغرفه الحريم ابي اروح غرفتي تخيلو مقدر حتي امر من عندهم وانا مررره استحي واكثر من مره قلت لهم مو حلو كيذا وضعكم بس مافي تفاعل عادي عندهم