ذكرتوني يوم ببكريتي ... كنت اقول وع والله ما اقعد على سريرهم لما اتروش ....
واصلا عيوا علي اقوم للحمام ... يقولون بعد 7 ساعات ... وانا مستحمله وساكته

مااا صدقت تجي الممرضه تقول قومي للحمام .. واخذ فوطتي وملابسي وعدتي وعتادي .... وجايه بنزل من السرير على بالي صرت خفيفه وبروح رركض للحمام
يووووو يالله قدرت انزل من السرير ... ويوووم وصلت الحمام ولا معد اشوف اللي حولي ... ما صدقت القى كرسي الحمام واربض عليه
وبالطقاق قمت ورجعت الى قواعدي سالمه

يعني انسي تتروشين في المستشفى ... الا اذا كنتي بتجلسين اكثر من يوم ,, متى ما رجعتي للبيت تروشي بيديك ورجليك ...

ودايم يقولون لا تكثرين من الترويش ,, وانا جربتها حتى في الدوره
اذا تروشت ثاني او ثالث يوم ينقطع الدم واتبهذل
والنفاس زي الدوره بالضبط ... ما يفرق الا الجرح



اما مسألة ما تتروشين الا كل عشرة ايام ... استغفر الله يا شين المبالغه ... لا ومع الحلبه يا سلاااااااااااااااااااااام عالنظافه والريحه
صح في الشتاء بتخف الريحه وما يحتاج تتروشين كل يوم
اما الصيف والله ما اتحمل ... لازم كل يوم ....



المنطقه الحساسه لا تدققون فيها ... شوي شوي عليها ... خلوها تطيب همن سووا اللي تبون
غسولات وما قلنا شي ... اما بتقعدون تنظفون تنظيف ما عمركم سويتوه من قبل ... وشوله؟؟

حبيبتي دكتورتي فصلت لي في هذا الأمر

دوش دافي تغسلين به جسمك لو مرتين في اليوم مايضر

ليه دائما الناس عندنا تقرن النفاس مع قلة النظافه وقلة الإستحمام . . وحتى بعضهم ما يعتنون بالنضافه الداخليه للجراحه بسبب اعتقادات خاطئه مثل ( يدخلك البرد ) وغيره من أعذار

دكتورتي أعطتني برنامج لتنظيف الجراحه وتعقيمها وأكدت لي أنه لو تقيدت بالبرنامج أسبوع وتزول . . بأنقله لك وللأخوات للفائده

هو عباره عن 1- غسول مهبلي اسمه (بوفيدون ايودين) آخذ منه كل صباح 2ملعقه كبيره على لتر ماء ويغطى في وعاء نظيف ومع كل دخول لي للحمام ابلل قطعة قطن بالمحلول وأمسحها على الجراحه ثم قطعه ثانيه ثم ثالثه ويرمى القطن ويظل المحلول مغطى في إناء نظيف حتى المساء ثم يسكب وهكذا كل يوم
وبعد المسح على المنطقه بالمحلول تجفف تماما من الماء , 2- كتبت لي الدكتوره نوعين من الكريم أخلط منهما كميه بسيطه مع بعض ثم أمسح المنطقه مره صباحا ومره مساء بعد تنشيف المنطقه من الرطوبه . اسم الكريمين mebo والثاني flamigel

موفقه حبيبتي

الله يعطيكم العافيه

من جد حيرتونا يعني مانستخدم الملح والمره والخيوط موجوده
وبعد وحده قالت لى مايصلح تغسلين بالملح بعد ماينقطع الدم عنك لانه الملح هو اللى يسبب رطوبه ؟؟ ماادري من عنده فكره عن الموضوع

طيب يااخوات واللي مسويه عمليه تجميليه ماتطيح الغرز الا قرب الاربعين

سارت معاي في حملي الاول "وبالاصح ماطاحت رحت عند الدكتوره وفتحتها ليه وارتحت"

كيف يعني عزالله ماراح استخدم لاملح ولا مره كله ع المطهر بس

ياليت تجاوبونا وتريحونا لانه صابنا شك