طبعا غيرتك طبيعيه بس احتسبي الاجر وحاولي تسحبين رجلك عن مشاهدة هاذي

الاشياء التي تخلي الواحده يوقف شعرها ويقشعر جلدها من المنكرات الموجوده فيه

باسلوب الحكمه والموعظة الحسنه وعليك بالدعاء

والحقيقه االغيره عموما مثل البركان حلو انه ينسم شوي يخصب الارض لكن لو يثور

يحرق صاحبه ويحرق الدنيا كلهامعه

الله يوفقك ويبرد على قلبك ويهدي يارب زوجك ويغض بصره

اللهم امين

مرحبا
يا غلاهم انتبهي لكلام الاخت .......الباب المفتوح .....زين
واسالي مجربة مثلي؟؟؟؟؟؟؟؟؟
والله لما ابتعدت عن هالامور (مع اني بطبعي ما احب الاغاني المصورة )كنت اسمعها بالراديو
لكن لما ابتعدت حتى ضيوفي ما كنت احب يحطون على قنوات المسخرة
وصرت ادعي ربي يخلصني من هالغيرة المرضية اللي كانت منكدة علي حياتي كلها
والله كنت اغار من اي مراة بالتلفزيون حتى لو كانت شينة او في الشارع حتى لو كانت عجوز
انا مابي امدح نفسي لكن الله تعالى من علي قلبا وقالبا بشهادة من يعرفني ((حتى مااحد يقول هذي اللي تغار من خيالها شينةاكيد))
المهم ::
الغيرة المرضية اللي >كانت<عندي كانت تحرمني من كل شي جميل في حياتي ومن كل اللحظات الحلوة مثلا ::
لو كنا مسافرين ؟؟
او لو كان زوجي عازمني بمطعم !
او كنا نتمشى بمكان عام ؟
او لوكنا عند احد وحطوا احد القنوات ........تبتدي المراقبة؟؟؟؟؟!
بس بفضل الله داومت على الدعاء في كل وقت
وابتعدت انا قبل ما ابعد زوجي عن هالامور
واعطيت نفسي ثقة كبيرة باني الافضل
وانه مهما كان مدى حبي لزوجي ما يدفعني هالحب للجنون؟؟؟؟
والان الحمد لله تخلصت من هالمرض .....
اما بالنسبة لك يا اخت غلاهم فاقول انتبهي لان هذي البداية بس
ويمكن يستفحل الامر وتزيد الغيرة
فحاولي تطنشيها وتجنبي الامور اللي تثيرها........

الباب المفتوح... ياعمري انتي افى عليك بس وش يزعلني؟؟ ازعل من اللي تنصحني؟؟ اذا الواحد بيزعل من النصيحة خلاص خربت الدنيا الله يسعدك ويوفقك ويرزقك من حيث لا تحتسبين ويحقق لك مافي بالك.. ياعيوني انا ماقد تركت صلاة الوتر لا في حضر ولا في سفر الحمدالله بعد ماودي اني قلت اخاف يصير علي رياء بس الحمدالله حتى هو يصلي فروضه الحمدالله وانا احاول انصحه انه يوتر ويصوم تطوع احيانا يتجاوب واحيانا لا وانا ادعي له هذا اللي اقدر عليه بس اني اقنعه مايشوف هذي من سابع المستحيلات لانه متعود عليها وبعدين ماودي احسسه اني اغار منهم بعدين اخاف يحسب اني شاكة في نفسي اني اقل منهم انا الحمدالله رب العالمين اطلب من الله انه يحسن خلقي كما حسن خلقتي بس عاد اللي في التلفزيون مع التصوير والميك اب والاضاءة والرقص غصب يصيرون يهبلون وانا ماودي والله ماودي انه يشوف اخاف يقارن انا مانيب كاملة و هاللي في التلفزيون شبه كاملات والكمال لله وحده فهمتيني .

ريم الفلاء الله يسعدك والله الظاهر ان غيرتي مرضية موب بعيدة لأن صديقاتي وقريباتي بعضهم عادي عندهم انا مدري ليش انقهر واغار كل هالقهر..


رزوونه... تسلمين يالغالية ماقصرتي الله يجزاك خير بس احاول اني اغير المحطات احيانا بس لو سويت هالحركة دايما بيحس اني منقهرة منهم وانا ماابيه يحس بهالشي ابد.. الله يسعدك ويوفقك ولك مثل مادعيتي لي والله يتقبل منك ان شالله..

+هديل+ ... والله كأنك توصفيني هذي انا والله اخاف اتجنن من الغيرة انا احاول اني ابتعد عنها بقدر المستطاع والدعاء مايفارقني الحمدالله ادعي لي انها تروح مني هالغيرة والله احيانا احسد الباردات اللي مايغارون والله اني احس انهم في نعيم مبسوطات ولا همهم .. وش اسوي وشلون اقدر اسيطر على نفسي قبل لا تتحول حياتي جحيم؟؟ على العموم ياهديل الله يوفقك ويرزقك ويجزاك خير وينولك مناك ان شالله..