الغــيــبـــــة , انصحوني وساعدوني :(

السلام عليكم ورحمة الله وبركاته


بنات انا اكره الغيبة لكن سبحان الله تعرفون مجتمعات الحريم لازم يكون فيها حش واضطر اقعد معهم واحيانا اشارك استغفر الله العظيم الله يتوب علينا

بس بعد ماشفت تفسير رؤيا زانية وعرفت أن العذاب يبدأ بالقبر وقال الشيخ بآخر المقطع تغتاب الناس لا تفرح تراك بتتعذب بالقبر حتى لو انت صالح بتخمش وجهك مضبوط بالقبر ..




والله حالتي حاله بالبيت أقدر على اهلي بس ابالدوام انا معلمة وصرت اتجنب اجلس مع المعلمات الي معروفات بالحش اروح للي سوالفهن دينية ولا يسولفن عن مواقفهن وسواليف عنهن بأنفسهن مو حش بأحد والحمدلله الله يثبتني

لكن مشكلتي يابنات اني بقرية بعيده اجلس بالسيارة ساعة ونصف تقريبا واحيانا اذا كنا كلنا داومات اجلس ساعتين واغلب هالطريق حشششش بالي يصير بالمدرسة من اول مانركب

وش اسوي تكفوووووون دلوني مابي اسمع الغيبة واسكتهن مره ومرتين ويرجعن مليييييييييييت والله يابنات احيانا فجأه السواق يوقف يصير فيه بعارين ولا شاحنات يعني حتى حياتنا ماهي مضمونة على هالطريق عاد من زين اعمالنا بعد نموت على غيبة ؟؟


وش اسوي تكفون بنات انصحوني ولكم اجر ابتعادي عن الغيبة وأهلها ..
وكيف طرق النصيحة الجيدة للغيبة اذا بدأ مشوار الحش بالدوام او بالسيارة وش رايكن وش اسوي وش اقول ؟؟


الله يجزاها الجنة الي ترد علي ويأمنها بقبرها ويوم الفزع الأكبر ووالديها ومن تحب ..