الغلط فيني ولا فيه ...

مساء الخير بنات ( الله يفرج هم كل مسلم ومسلمة ويستر على بنات المسلمين والمسلمات ) ندخل في الموضوع ، بنات انا من قبل اسبوعين كانت ملجتي عقبال العزابيات والحريم الله يسخر رياييلهم لهم ، بس اكتشفت انه هالانسان اتغير من ناحيتي وايد يعني تفكير يتركز يوم يسولف وياي على الامور المثير ( اسمحولي على التعبير ) وانا بيني وبينكم اصده بس بشويش يعني احسسه انه هالشيء مب وقته بس هو يعاود ويفتح هالمواضيع قلت يا بنت ما عليه ريلج استوه خلاص لازم اتعود عليه بس لسوء الحظ اكتشفت انه هالشيء مب بس كلام ياليت اتحول لفعل يعني تعرفون والله ما ادري اشلون افسر شعوري المهم كنت وياه طالعين بره البيت سايرين انشوف عفش البيت وانا من النوع اللي احب وايد الديكور وخاصة الاضاءة والمطابخ الاجنبية اللي اتكون فيها طاوله في وسط عرفتوها وقفت في هاذا المكان افكر اشلون اضاءة المطبخ ( همي في بطني ذاك الوقت ) قام قالي هاذا الضوء حق ...... ويأشر على الطاوله ، والله افتشلت طاح ويهي الارض قلت ما عليه يابنت اسكتي بس اظهرت له اني اضايقت ، المهم انا وما شيه جدامه إلا الاخ قام وظربني على .... ، هني خلاص حسيت الدنيا انشقت وبلعتني ما قدرت امسك عمري وقمت اقول عيب عليك وين نحن يالسين نحن في بلاد عرب مب اوروبا ( للعلم هو دارس في اوروبا ) واعاتبه قام وقالي ببروده انا ما اشوف فيها عيب هني خلاص ولعت صدق ، بنات انا تعبت من هالبني آدم حاسه انه ما خذني بس على هالشيء يعني يشبع رغبته نفسي يكلمني في امور الحياه في المستقبل في اي شيء ، واذا كلمته اقوله هالشيء ثانوي يقولي لا اساسي هاذي هي الحياه ، اشلون ياربي اتعقدت كرهت اليوم اللي ملجت فيه والله شو اسوي دخيلكم حل تعبت احس عمري رخيصه دخليكم ...

لا تقولون كلميه انا اللحين ما اكلمه من اسبوع ولا فوق هاذا يقولي مغرورة اي غرور اي خرابيط انا انسانه مب .... والله شو اقول استغفر الله العظيم ، بنات اللي عندها حل تسعفني والله يجزيها الخير ، وبارك الله فيكن ... :( :(