الغلط مني والا من الناس

السلام عليكم
انا ملاحظه اننا كل سنه عن سنه قاعدين نتغير ونبتعد وكل واحد قاعد يستغني بنفسه
اذكر زمان لما كانوا خالاتي المتزوجات وساكنين بمدن ثانيه يجون عند جدتي الله يرحمها كانوا يجون بنات عمهم وبنات خالاتهم يسلمون عليهم ويتحمدون لهم بالسلامه
الحين صاروا يجون ويروحون مايشوفون احد وكل طلعاتنا تماشي ومولات مافي زيارات مافي صلة رحم
انا بعد تزوجت وسكنت بمدينه غير عن اهلي قبل كنت اجي يفرحون فيني قريباتي ويجوني واروح لهم
الحين اجي لا حس ولا خبر
يراسلوني ع الجوال الحمدلله على السلامه وخلينا نشوفك بس ما احسها طالعه من قلب
تمر ايام وايام ماحد فيهم يتصل يسولف
اتصل عليهم انا مايردون او يردون ويقولون مشغولين
وربي ولهت عليهم نفسي اسولف معاهم اضحك معاهم مثل اول حنيت لهم بس مدري ليش هالقطاعه
وحده منهم كلمتها واتس اسألها عن شي وربي قامت ترد من طرف خشمها وتغلط علي مع اني ماسألتها عن شي خاص ولا شي محرج ابدا ابدا
زعلت منها ولا رديت عليها باااين بااين انها مضغوطه من شي وانا كلمتها وقامت تغلط علي ...
لهالدرجه صرنا نستهين بالصداقات وبالعلاقات ومانحسب حساب
احس صارت كل وحده اعرفها مشغوله بعالمها بجوالها بحساباتها والبرامج اللي اشغلتنا
احس صار عادي عندهم يعيشون لحالهم
والله يحز في نفسي اللي اشوفه
حتى صديقاتي كلمتهم تعالوا زورني قالوا مشغولين وهم صدق مشغولين
مدري اشفيني الغلط مني والا منهم
الحمدلله انا ان شاء الله مافيني شي يضايق لا اتدخل بخصوصياتهم واسولف معاهم بأريحيه والاعب عيالهم الصغار واكرمهم الا بالعكس وربي اني ما أسلم من حركاتهم وكلامهم اللي يقطونه
احيان احس ان البلا فيني بس اقول ايش ممكن يكون
لو فيني بلا ماكان علاقاتي كانت كثيرررر زمان ... بس من بعد ماظهرت الاجهزه الذكيه احس الكل انسحب لعالمه الخاص
والله مقهوره في داخلي ومليت متى الناس بتوعى وترجع مثل زمان