الغمز واللمز والهمزات واللمزات والذي منه،،،،،

أكيد عزيزتي
كل من يعاشر الناس يلقى أذى من غمز وهمز وظلم وغيره
اللي يعيش ياما يشوف
افضل شيء التطنيش الا في حالة تعدي الحدود والكلام في شيء ماينسكت عليه
أما التلميح واللمز بأمور صغيره وأشياء بسيطة فطنش تعش تنتعش
افضل حل ان الواحد يحاول التجاهل
الله عزوجل يقول عن عباده المؤمنين يصف خلقهم في التعامل مع الجاهلين
( وعباد الرحمن الذين يمشون على الارض هونا واذا خاطبهم الجاهلون قالوا سلاما ....)
‏وقال تعالى (والذين لايشهدون الزور واذا مروا باللغو مروا كراما )

شكرا حبيبتي على رأيك القيم

نفسي لو حد عمل لي كذا اني اذكر الاية واسكت بس

يوووووووووووووووووووووووووووووووه

خذي وخلي من المواقف ساعات لما يصير لك كذا تحسين انك قد النملة
لكن التطنيش مثل ماقالت اختي جميل ومفيد

بس التطنيش الكثير ممكن يجيب الضغط للواحد خاصة للحساس

انا هالمواقف صارت لي وأنا في الكلية من وحده من زميلاتي ..
وكنت مغتربه في المدينه اللي أدرس فيها من غير أهلي ..

وزادت هي علي الطين بلّه .. وتأزمت نفسيتي مررررررررررره وصرت أشك بنفسي لحد ماربي فكني منها وعادت السنة ( والله مو شماته فيها ) بس يمكن فرج من ربي لي

المهم .. بعد ماعرفتها بفتره يعني حوالي سنتين وعرفت بنات جيرانها ..
تأكدتْ ان ظروفها صعبه كثير وأبوها متزوج ثنتين ويادوووب يصرف عليهم
فعرفت بعدين انها كانت تغار من لبسي في الكلية والمصروف اللي ابوي كان يرسله لي و و و الخ

ولما عرفت أسبابها سامحتها وصرت أتغاضى عنها .. بس والله طوال ما كنت أدرس ونفسيتي مثل الزفت مارجعت تحسنت الا آخر سنه لي .. والحمد لله على كل حال

عزيزتي هند في هالدنيا كثير من هالأشكال كثير كثير .. لازم تتعودين ع التطنيش
تدرين عاد اني أنصحك بهالنصيحه .. وانا اذا قابلت نفس هالنوعية أبلل مخدتي من الدموووع
أحس اني كنت ضعيفه يوم مارديت عليهم .. وأحس انهم يستهونون فيني ..

لكن ربك المعين والعالم بكل شي ..:(