بسم الله الرحمن الرحيم
السلام عليكم ورحمة الله وبركاته
سمعت هذه القصة من امي وكتبتها لكم
كان فيه ثنتين جارات (يعني جيران ) مو ضرات
وحده غنيه ووحده فقيرة مرة
بس كانوا دايم يتزاورون واطفالهم يلعبون ويحبون بعض
وكانت الجارة الغنيه دايم تضيف عيال الفقير وتأكلهم مع عيالها
مرت الايام
وكانوا الاطفال يلعبون مع بعض في الشارع جا واحد من اطفال الفقيرة يركض لأمه وفي يده دجاجه
ويحاول يخبيها عن الاطفال
ودخل بها على امه ونتفت الدجاجة وشوتها ونادت اطفالها ياكلونها
جو اطفال الجارة الغنية يبغون ياكلون مع اطفال الفقيرة
رفضت الجارة الفقير وطلعتهم من البيت
راحوا اطفال الغنيه لامهم وقالوا لها القصة
الام الغنية جاء في خاطرها هالموقف
بعد فترة زارتها الجارة الفقيرة زي عادتها
لاحظت ان الغنيه شايله في خاطرها بس ماتدري من ايش
سألتها وقالت لها الغنيه انا حز في خاطري انك طردتي عيالي وما كلوا معكم من الدجاجة المشويه
لان عيالي جو يبكون ويقولون هم ياكلون معنا ولما جينا ناكل معهم طردونا
قالت يا اختي اذا عرفتي السالفه راح تشكريني
الدجاجة اللي اكلناها انا وعيالي ماهي مذبوحه
هذي ميته لقها ولدي ميته بجنب مزرعه
وزي ماتعرفين احنا ناس فقراء وتحل لنا الميته (اقصد الميته بدون ذبح )
وانت عيالك اغنياء ولايجوز انهم ياكلون ميته
عشان كذا لما جينا ناكلها طلعنا عيالك
لانها امانه
هنا الجارة الغنيه شكرت الجارة الفقيرة على امانتها ورعايتها لاطفالها
كتبت هذي القصة لكم
عشان الوحده منا ماتتسرع في حكمها على الاخرين
يمكن لهم اسباب تعود علينا بالفائدة
والسلام ختام
أختكن
(الرزان)
(الرزان) @alrzan_4
محررة ماسية
يلزم عليك تسجيل الدخول أولًا لكتابة تعليق.
الله على هذي القصص تجننننننن حكم والله حكم
الله يخليلك الوالده
وننتظر قصه غيرها ماشاء الله عليها الله يخليها لك
الله يخليلك الوالده
وننتظر قصه غيرها ماشاء الله عليها الله يخليها لك
الصفحة الأخيرة
صحيح انا نتسرع كثر با احكامنا على الناس بس الله يسامحنا