الغه كيف تعلمتيها؟؟؟؟؟

حياك الله اختي فيه ناس ماعندهم لغة ابدا وفيه ناس عندهم شي بسيط ومع هذا مشوا في الدراسة هو يعتمد على الطالب واجتهاده

انتي اجتهدي وان شاء الله مابتلقين صعوبة

موفقة يارب

حتى أنا والله ودي أتعلم بس على قولتهم ماعندي ماعند جدتي

اللي يعرف لا يبخل علينا

والله يااختي ..انا بعد المشكله افهم الكلااام بس ماعرف اتكلم :D ..واعرف ادبر عمري بكم كلمه ..وقاعده احوس الحيين ادور ي معهد هينا بمنطقتنا عشان اتعلم بس للآن مو لاقيه اللي يناسبني عشان ولدي ارضعه واللي يصير وقتها مناسب وحلوو الاقيها بكنيسه :06: ...ومازال البحث جاري ..والله يعييين ..

اهم شي تبدي بحفظ كلمات كثييره
كل ما كانت عندك ذخيره كلمات كل ماستطعتي التحدث
وتابعي برامج باللغه الانجليزيه
انا دايما فاتحه الراديو مرا يساعد وهنا عندهم بدال القناه مليون قناه حطي اخباراو برنامج يساعدك
لان اذنك رح تاخد فتره الين تبدا تلقط الكلمات وتمشي ,,
انا بصراحه من وانا صغيره اسمع اغاني انجلش واتابع افلام هي الي ساعدتني
وانتو ممكن تتابعو برامج او تستبدلو الاغاني بالاخبار وماشابه..

ربي يوفقكم

اغلب اللي يروحون للدراسة يعطونهم سنة فاونديشن .. تأسيسي للسنة الاولى .. وهي دراسة اللغة ...
اذا ما كان عندج فاونديشن فأنصحج تدخلين معهد لغة حااالاً لمدة 3 شهور ، تتعلمين خلالها الاسياسيات قبل ما تروحين هناك ..

طبعاً المعهد لوحده ما يكفي ... اذا كنتي جادة بدراسة اللغة فأنصحج تمسكين لج جرايد "صحف" يومية انجليزية .. و تقرين قصص روايات انجليزية مبسطة ، حتى لو كانت للمراهقين والاطفال !! .. وخلي المترجم دوووم معاج .. الاطلس او غيره عشان تترجمين الكلمات اللي توقف معاج ..

تابعي افلام انجليزية !! صدقيني يأثر .. وخلّيج وقت المتابعة مركزة على الحوارات .. مو قصة الفلم !

ادخلي مواقع تعليم بالنت ... في اكثر من مليووووووون موقع و منتدى وبرامج وملفات لتعليم الانجليزي !!

الدنيا سهلة حبيبتي ... تيك ات ايزي :)

والله يسهل امورج ان شالله ..