الغيبه متعبتني

ابن حنبل كان يقول ( انااذكى من ان أهدي حسناتي لغيري ) وانت قاعده تهدينها حسناتك وبالعكس تقلدك هذي شهاده انك مميزه والصحابه كان يقلدون الرسول صلى الله عليه وسلم لانه قدوه لهم ( والحمد الله انك مثال يحتذى به وان دل على شي دل على شخصيتك ) وانظري لتقليدها لك من جانب انك قدوه حسنه لكل انسانه

هذا ان شاءالله تعالى بدايه توبه يالعزيزة..

طالما تحسين بتأنيب الضمير.. بس ياليت تكملين طريقك وتتوبين عنها نهائياً...

انتِ تدرين مخاطرها؟؟

اولها عدم راحتك من اللي تسوينه فيها .. عشانها تقلدك..!!

طيب يمكن تتصرف معاك كذا لان ذوقك عاجبها وتحب تصير مثلك وتتعلم ؟

خذي الامر بحسن نيه.. ولا تتضايقين..

حاولي تقرين في كتب دينيه عن مخاطر الغيبه وضررها على النفس..

اولا تمحق البركه.. تذهب حسناتك الى من اغتبتيه.. تأخذين عنها سيئاتها..

يعني انتي تغتابينها والحسنات تجيها بالرااحه!!

تشيلين بقلبك الاحقااد والبغضاء.. وهذا امر مرفوض بين المسلمين في شرع الله وفي سنة رسولنا الكريم محمد صلى الله عليه وسلم..

تكون راحتك وقتيه .. بعدهاا تحسين بالندم وهذا اللي صار معاك بالفعل.. يعني مالقيتي راحه.!

تغضبين ربك على شيئ مايستاهل...

تظلمينها .. نعم تظلمينها لما تغتابينها بالشكل ذا.. ويمكن اللي حولك يكرهها بسبب كلامك عنها..

بعدها فكري شاللي استفديته من هذا كله..؟؟

والظلم اعظم الذنوب وابغضها لرب العالمين..

ترضين تكونين عاصيه..

طبعا ماترضين بهالشيئ واعترافك بغيبتها اكبر دليل..!!

اشغلي نفسك عن التفكير فيها وفي اللي تسويه... طالما تشوفين ان طريقتها ذي تقهرك....

قال تعالى :/ ( ولا يغتب بعضكم بعضا أيحب أحدكم أن يأكل لحم أخيه ميتا فكرهتموه )

والله لو تأملنا هالايه كثير كان تبنا من هالمرض البغيض..

ياقلبي اشغلي لسانك بذكر الله كل ماحسيتي برغبه في غيبتها كذا والله اسلم لك في الدنيا والاخره..

حاولي سماع المحاظرات .. وقراءة القران بخشووع..

وصدقيني طالما سويتي هالاشياء بصدق وعزيمه راح تخلصين منها بالتدريج.. وترتاح نفسك من الهم.. والتفكير

الله يسعدك ويكتب لك الخير وين ماكنتِ يالغلاا..

مادامك منقهره منها لهالدرجه و ترتاحين يوم تحشين فيها, حشي فيها بينك و بين نفسك, كتبي في كراس كل اللي تبينه, بس ديري بالك لا يطيح في أيد أحد. مشكله عجيبه والله :) الله يعينك

اه يارجيم يمتن مشكله الغيره احس ان الغيره مرض عند بعض البنات اللى اعرفهم لدرجه انو لون بشرته تتغير وتصير سوده وعيونه حمره من كثر الغيره والنوعيات اللى كذاء كيف اتصرف معهم طبعا اطنشهم وجودهم مثلا عدمهم صدقينى اذ طنشتيها بترتحى منها والله يعينك ويعنا على نوعيات زى كذاء ويكفينا احنا والجميع الشر.

أنت بذالك تقدمين لها حسناتك ولربما تدخل آعالي الجنان بسبب كلامك فيها
و راح تأخذ كل حسناتك و إذا نفذت حسناتك تأخذين من سيئاتها .

هل ترضين بذالك ؟؟؟؟؟
المفروض تكونين أذكى من كذا .
وبعدين إحتسبي الأجر عند الله تعالى.
وأعرفي إن اللي يسكت على حقة وهو قادر إنه يأخذه يوكل الله ملك يادافع عنه .
وأنا زيك بس إنتبعي هذه الطريقة :_
* لا تجيبين سيرتها مره و حتى المجلس إللي يجيبون سيرة هذه الحرمة أخرجي منه لعشان ما تقعين في المحذور وهو غيبتها .
* كلما وسوس لك الشيطان و أغتبتي فيها أستغفري لها قد ما تقدرين و آدعيلها بالهداية .
* أحتسبي كل شيء عند الله عز وجل .
* أسمعي شريط صيام قلب للدكتور خالد الجبير و أعرفي أن الغيبة ذنب عظيم تحرق حسناتك .
* إذا مسكتي نفسك عن غيبتها و أنت قادره يتعبر هذا صبر على معصية وهو من أعظم أنواع الصبر .

والله يهدينا و إياك .