السلام عليكم
صبحكم الله بالرضا والعافيه اخواتي الغاليات
اليوم الصبح دخلت هالقسم وتشجعت انظف مطبخي من اوله لآخره
وكمان عشان اعرف وش ناقصني في حال وافق ابو الشباب
ينزلني السوقطبعاً نويت ابدي شغلي من فوق لتحت
اول شي سويته مسحت الغبره اللي فوق الدولايب والثلاجه وتفاجأت بكمية التراب :mad: <- ماصار غبار
وكملت تمسيح لحد ماخلصت وانكتمت :frown:
المهم لما جيت انظف مروحة الشفط وشفت الفراغات اللي بالجوانب عرفت ان المشكله منها
لان زوايا الاطار مليان تراب والجدار نفس الشي
جيت فكيتها قطعه قطعه ونقعتها بماي حار ثم نظفتها بكلوركس وفيري لحد ماصارت اخت الجديده
ولما جيت اركبها حاولت اسكر الفراغات منا ولا مناك مالقيت غير القصدير والتيب او اللزق
واقعد معلقه فوق الدولاب ساعه كامله مابي اخلي للغبره مجال تدخل مطبخي ..... :dozey:
لما خلصت وجيت بركب قطعة المروحه حسيت بالهوا يدخل وهوا قوي مو اي هوا
عاد هنا قفلت الاخلاق
وحسيتها زي التحدي لي ......
بطلت اركب المروحه
وجبت قطعة قصدير كبيره وغطيت مروحه الشفط كامله وشلت قطعة المروحه بالمخزن <- لانها نظيفه مابي اركبها وتغبر ....... :ohwe:
والحين مطبخي بدون مروحة شفط
ومع كل نسمه هوا اسمع صوت القصدير
الزبده من الهذره هذي كلها
هل فيه طريقة تمنع دخول الغبار والاتربه من خلال مراوح الشفط ؟؟؟؟؟؟
بيتي جنني من ناحية الغبره وزوجي من النوع الدقيق يمشي ويمسح باصبعه يتأكد من النظافه :dry:
بروح اكمل شغلي ويارب لما ارجع القى حل لمشكلتي
ومشكورين مقدما ^_^