مسكوية :

مشكورة اختي على هالموضوع القيم على حسب مشاهداتي وخبرتي اشوف ان الغيرة لها سببين رئيسيين اولا تفرقة الوالدين ثانيا قابلية الشخص النفسية للغيرة يعني ممكن شخص عنده والد يفرق بين اولاده وتلقين بعضهم يغارون من بعض وبعض مايهمه الموضوع ولايفكر فيه ويتعامل باريحيه مع اخوه المفضل عليه احيانا تعليقات الناس تجيب الغيرة بين الاخوان لكن مثل ماقالت الاخت انه ماتقدرين تمنعين الناس عن التعليق لما كنا صغار كنت دايم اسمع الناس يمدحون اختي الصغيرة ويثنون على جمالها وانا واختي الاكبر مصفوطين على جنب لكن ماعمري شعرت بالغيرة منها بالعكس كنت اقول انها حلوة لانها صغيرة (وكل صغيّر مملوح) ومع اني اسمع واشوف نظرات الاعجاب لكن ماكنت مصدقتها يمكن لانها ماصدرت من امي اذكر هنا موقف طريف دايم كلمات الاعجاب لاختي الصغيرة لكن بالنسبة لي ماحد مدحني ابد فكنت مقتنعه داخليا اني غير جميله (لكن ماسبب لي غيرة مع اختي ابدا) وفي ثاني متوسط وحده من زميلاتي الله يذكرها بالخير شافت اختي فقالت لي انتي اجمل من اختك وكانت هذي اول مرة اسمعها باذني فاخبرت امي بكلام صديقتي وامي الله يجزاها خير من النوع اللي ماتحب تمدح الواحد في وجهه (يمكن تخاف عليه من الغرور) قالت لي بكل برود لا مهوب صحيح زميلتك ماتعرف ......طبعا انا عيوني مبققه وهذا كبرها ماتوقعت هالرد واكملت حياتي على اساس اني افتقد اي من مقومات الجمال الى ان تزوجت لكن الحمدلله هذا كان في صالحي عشان مااشوف نفسي على احد المثال الثاني اخوي الكبير من صغره وهو شرس ومتسلط علينا وامي وابوي ماكانوا يقدرون عليه لكن بعد ماتزوجت وابتعدت عن سيطرته اصبحت العلاقه معه احترام وتقدير لكن بعض اخواني خاصة الاولاد مازالوا يحملون في انفسهم عليه فاقول ان السبب هو قابلية الشخص للغيرة وليس التفرقة فقط التربية صعبة وتحتاج الى صبر ومجاهده الله يجزى والدينا عنا افضل الجزاء مهما اخطأوا مانوفيهم تعبهم وخوفهم علينا الله يرزقهم الفردوس الاعلى من دون حساب ولا سابقة عذاب

مشكورة اختي على هالموضوع القيم على حسب مشاهداتي وخبرتي اشوف ان الغيرة لها سببين رئيسيين اولا...

دآآآآنه :

لا يمكنك مشاهدة هذا التعليق لانتهاكه شروط الاستخدام.

دآآآآنه :

لا يمكنك مشاهدة هذا التعليق لانتهاكه شروط الاستخدام.

دآآآآنه :

لا يمكنك مشاهدة هذا التعليق لانتهاكه شروط الاستخدام.