انا اعترف اني كنت اغار من اختي الاصغر مني
وللاسف لما كنت مراهقه
لا قبل من كنت طفله واختي واصغر مني ب ٧ سنين
ماكان احد موقفني عند حدي ماكان احد يقواني ايام زمان
يعني امي
دايم تردد تغارين من اختك وكانها تزيدني بحركاتي
كبرت للاسف ىكبرت الغيره فيني منها بكل شي
والسبب
امي كانت تفضلها علي
تسمح لها تسوي اشياظ كنت انا محرومه منها
وشي شبه مستحيل بما اني البكر
كانت امي تعاملني وتبيني اعيش مثل حياتها
تعاملني امي كاني عجوز ماكاني بنت من حقي اعيش
يعني كل شي كان محرم علي طلعات صديقات قصير عبايات ملونه دراسه بعيد عن مكاني
كنت اخرب اي شي لاختي بدافع الغيره للاسف
اسوي كذا لعانه وغيره منها
مرت السنين ووصلت ٢٧ وانا
مستمره!!
بدون سبب اخر ب كل شي على اختي
جاها قبول بقسم حلو بالكليه لكن بمكان ثاني
ولازم سكن ىللاسف لعبت براس امي انها ترفض
تخليها تروح تسكن لحال بحجه ترا بتضيع ترا بيصير لها
وانا كل هذا غيره منها
مع ان امي عادي لو راحت تدرس بعيد
اتقعد لها بموضوع العبايات هذي ملونه
هذي ماتبىلس واروح العب براس امي
زي خير هذي بتفضحناً قدام الناس طالعه بهالشكل
وتروح امي تتمشكل معها
زي اننا نسوق وبتمر صديقتها اجلس اقولها موب فاضين
للناس خلي اهلها يجيبونها وتصير مشكله بيننا
وزعل كل هذا عشان مابيها تاخذ احد معنا
واحد يصير قريب منها
كل شي كنت للاسف اخربه عليها
مره حجزت فعاليه بالموسم على حساب اخوي
وسحبت ماحجزت لي ولا علمتني قلت بنفسي
والله ماتطبين هالمكان <وهي كانت ميته تبي تحضر
هالفعاليه جيت خربت كل الروحه اللي كانو اهلي ناوين
يروح لها ولا قدرت تحضرها
زي ماقلت لكم السبب تفضيل امي لها
امي صح تفضلها لكن تسمع لي اكثر اقدر اثثر فيها اكثر
وتمشي على كلامي
للاسف حصل موقف قبل سنتين عرفت اني غلطانه بحق اختي
الف بالميه وصرت اشتكي من تانيب الضمير وجلد الذات
وصرت ضعيفهههههه قدامها
يعني صرت اعطيها وجه بكل شي لو تبي اقطع لها
من نفسي قطعت كنت ابديها ع نفسي
لكن لاحظت العكس صار اختي بدت تستلعن
لما شافت شخصيتي تغيرت١٨٠ درجه معها
وصرت مو بس طيبه لها صرت ضعيفه
صرت ابديها ع نفسي بكل شي بعد موقف صار عرفت
اني غلطانه واني ظالمه لاختي بشي مالها دخل فيه
اختي تغيرت للاسواء للاسف
وانا مابيييييي ارجع زي زمان مابي اتسلط على اختي
يكفي للموقف اللي جاني صحاني
من شي كنت غافله عنه لكن اختي صارت
تطبق نفس حركاتي زمان صارت تتسلط علي باشياظ كثيره
تنقد اشياء اسويها وتروح تسويها بس لعانه
صارت تبي امشي ع مزاجها
صارت تحملني اشياظ انا مالي دخل فيها
صارت تبي تتحكم وتفرض رايها علي
باشياء كثيره نفس ماكنت اسوي فيها بالضبط
صارت تدخل بعلاقتي نفس ماكنت اتذخل بعلاقتها
صارت تخرب علي كل ماجت وظيفه تقول وين تروح
صعبه تسكنين لحالك وبعدين امي تفقدك و و و و
يعني تطلع حجج بس لعانه لي
عشان ماتوظف
صارت تحملني مسوليه امي وكانها لمي لحالي
صارت تخرب بيني وبين قريباتي بالكلام
اشياء كثيره تغيرت شخصية اختي معي١٨٠ درجه
وكانها ماصدقت اني اصير طيبه
عشان تجلس تنتقم وتفرغ اللي صار لها طول السنين
اللي فاتت
والله اني اقول بيتي وبين نفسي سبحان الله
الدنيا دوراه
جالسه تسوي الاشياظ اللي كنت اسويها لها
بنفس الطريقه ونفس الحركات
انا بكل امانه ندمااااااااااانه
ع كل شي صار ولا ابي ارجع لحركاتي معها
ماصدقت الموقف صحاني وندمت ونظفت قلبي
قلت لو ايش ماصار مستحيل ارجع او اعطي
الغيره مجال تتحكم فيني زي زمان
لكن اختي كل مالها تزيد بحركاتها وكانها جاها الوقت للمناسب
مهما جالسه اعاملها بطيب واصرف عليها احاول اعوض
شوي من اللي اذيتها لكن احسها مو متقبلتني
يعني متقبله اختي الثانيه ومهما يتذابحون
ترحع باختي الثانيه من احسن شي انا
اي شي اقوله او اسويه تاخذه اختي بمحمل الجد
وتهاجمني وتشخصن الموضوع
انا احسد كل اختين مادخل بينهم الشيطان والغيره
انتم بنعمه بنعمه
انا مشكلتي ماكان عندي ام تمنع غيرتي
ماكان عندي ام تعرف تعدل بين بناتها
وهذا سبب اللي فيني وسبب غيرتي منها
زمان
كل همي الحين مابي اخسرها مابي تصير مشاكل قويه بيننا
تبني حواجز انا جالسه اتجاهل. حركاتها جالسه اتجاهل
اسلوبها معي جالسه اتجاهل كل شي هي تسويه عشان تقهرني وتستفزني
والله العظيم ضاغطه ع نفسي واطنششششش
لكن كل مالها تزيددددد
تزيددددد
امي حياتي' @amy_hyaty_15
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
لا تحسبيني اني قاعده اهاجمك انا حاسه بشعورك وقد مريت فيه والغيره شي طبيعي وفطري في البني ادم مالم تضر الغير .. يعني اذا وصلتي انك تضرين غيرك من الغيره لا هنا ستوب وتذكري ربي وخليه بين عيونك بعلاقتك مع امك واختك وتذكري ان اختك مالها ذنب باللي قاعد يصير هذا
واخيراً ادعي ادعي ادعي ان الله يألف بين قلوبكم ويبعد عنكم الغيره والحسد والحقد وادعي ان الله يسخرلك امك واختك