الغيره دمرتني تعبت يعايروني بوظيفة زوجي

السلام عليكم

بنات بدخل بالموضوع على طول اتوقع اغلبكم تعرف قصتي ومشاكلي 

انا متزوجه من تسع سنوات وعندي بنتين وظروفنا الماديه تعباااانه من تزوجت وزوجي كل مديون ومايبقى من الراتب ولا ريال وهو يشتغل بشركه عاديه والحين يداوم دوام اضافي لزيادة الدخل وبعد مو ملحقين حتى ماعنده وقت ينام كويس ولا حتى يجلس معنا وانا ساكنه بعيد عن اهلي واهله وماعندي احد بس محبوسه والله قمت الطفش والزهق وقت فراغ طووويل 

وانا جامعيه وعندي شهاده وابي اتوظف مو لاقيه وعشت عند اهلي في عز ماتعودت على هالحياه الكل يشوفني ذوق ولبس وكشخه واغلى الماركات ومايعجبني اي شي والحين حسره علي اقضي في الاعياد ومن عندي وبالصراخ والمشاكل ماله داعي تشتري وعندك والدولاب مليان بس انا ما احب احد يشوفني او يشوف بناتي الا بلبس مرتب وانيق  

في البدايه كنت اشوف وضعنا طبيعي بحكم تونا متزوجين
 وتونا نأسس حياتنا وصبرت وصبرت وسكت صحيح اني اطفش احيانا لكن ساكته وصابره 

بس الحين عرفت اني غلطانه 

وضعنا هو صعب ماله علاقه ببداية الزواج بدليل اخذنا كم سنه والوضع ماتغير ويمكن زاد بعد حتى مع زيادة الراتب
اللي تزوجوا معنا وضعهم تحسن وماعندهم اي مشاكل ماديه واللي تزوجوا بعدنا وتوهم متزوجين بعد احسن منا


المشكله مو هنا وبس

المشكله 

انه اخوه اللي اصغر منه تزوج وفي وظيفه محترمه ودوام مريح
واخته زوجها توظف وظيفه راقيه ودوام مريح واخته اللي اصغر وكذلك

وهم ماعندهم شي لا اسلوب ولا غيره مع احترامي لكن ارزاق

اللي صار 
اني قمت اقارن وكل حاطتهم على بالي هم وغيرهم ليش الكل صار احسن مني ليش اللي اقل مني بعد صار احسن مني انا شنو ناقصني انا بعد ابي اطلع واروح واجي واتمشى واشتري اللي ابيه واروح مطاعم انا حتى ذهبي بعته وذهب بناتي مابقى لي شي بس اتحسر على عمري وشبابي وزوجي يقدم وظايف ولا يطلع له شي 


واللي ذابحني اكثررررر شي وذابحه هو بعد


اهله يعايرونا بوضعنا باسلوب غير مباشر وانا هالشي مستحيل اقدر اتحمله ارحموا عزيز قوم ذل
امه تقول شنو شغلك شتسوي قالها كذا وكذا قالت بسسس هذي شغلتك بس وهذا راتبك قدامي وقدام اخته وبناته قالها ايه بعدين قالت يالله هذا رزقك والله بغيت اموت اذا امه تقوله هالكلام 


واهله يبنوا بيت وفوق شقتين لنا وحده واخوه اللي اصغر منه شقه ومن زمان متوقفين مو قادرين نبني ولا نكمل شي بس الحين بياخد جمعيه وقرض وبنسكن فيها ان شاء الله اذا قدرنا 
بس اخوه يقول هو ماراح يقدر هو وظيفته شركه شلون بيبني وزوجة اخوه قالت لي مره ثانيه بوجهي شلون بيبني زوجك وهو شركه عاديه البني يبي لي انا تجمدت وسكت ولا عرفت شرد عليها وهي وحده  قويه ونمامه وراح تسكن جنبي والله يعيني عليها بصراحه خايفه منها

قلت لزوجي كلامهم ويبي يعرف مين وانا مستحيل اعلمه قلت ماراح اقولك يقولي علميني واوريك فيك اسكتهم كلهم بس مارضيت هو بدون شي مو متقبل زوجة اخوه لانه اخذها بدون رضاهم لو قلت بتصير سالفه ولابي اشعل فتن وهالكلام صار له فتره اصلا هم نسوا اللي قالوا بس انا مانسيت مثل السكين في قلبي 

واحيانا يقولوا له عطنا شقتك لانها اكبر واخذ شقتنا لان انت ما بتبنيها ولا بتسكنها ناخذها احنا اولى والا يقولوا بنبنيها وناجرها احسن من انها قاعده والله كلام كثيييير يقطع القلب 

اما اهلي والله واقفين معي ولا عمرهم حسسوني بشي بلعكس يصبروني ورافعين زوجي فوق ويعتبروا مثل ولدهم وزوجي طيب وخلوق ومحترم ويقولوا ماعليه بكره الله يرزقكم ومن هالكلام واحنا شرينا رجال والفلوس مو مهمه

ووالحين من طلعت المكرمه بعد رفعوا راسهم علي زياده وكل وحده تنافخ بالقروب من جهه وانا تعبانه نفسيتي صرت مالي خلق لابيتي ولاعبالي بس افكر وابكي على حالي 

ارجوكم ساعدوني هل انا غلطانه او مكبره الموضوع