لا تتبعين اخباره والله يرزقك احسن منه

امين يااارب

خلييييييييييييييييه يولي ليه شاغله نفسك فيه اشغلي نفسك بشي إيجابي بحياتك كملي دراسه اذا منتي مكملتها اشتغلي ادخلي دورات خليه هو محلك سر بحياتك ومو متوفق وانتي اطلعي علي الدرج درجه درجه عشان يشوف كيف ربي يوزع الارزاق حسب النيه

ياحبيبتي لاتبكي على اللبن المسكوب

خلاص انتي ماطلبتي الطلاق الا لانه فيه صفات قبيحه خلتك تفضلين الطلاق
فاذا جاء على بالك تذكري صفاته القبيحه

وايضا وهذا افضل كل ماجاء على بالك ادعي الله انه يرزقك بافضل منه واحن واكرم واتقى ماتدرين توافقين ساعة استجابة ويكتب لك ربي السعاده


خليني اقول لك قصة امي عجيبه جدا لكن هي من باب كثرة الدعاء في كل وقت

امي امرأة كبيرة ومريضة الله يشفيها ويمتعها بالصحه والعافيه ويرزقها بر عيالها وصلاحهم

كلنا متزوجين وهي ماتبي تقعد مع احد من عيالها
تحب تكون في بيتها ومع ابوي
وهي ماتقدر تخدم نفسها
فجتها مرة شغاله الله لايوريك عجوز منتهيه وكسوله وحنانه وراعية مشاكل ولا تفهم

يعني مااحد يقدر يصبر عليها ابد
لكن امي كل مازعلت او ضاق صدرها وهذا يحدث عدة مرات في اليوم رفعت يدينها وقالت الله يرزقني بخير منك

والله ماتصدقين كيف الشغالة اللي جتها بعدها
كأنها بنتها والله انها احرص على امي منا وتحرص على خدمة امي بشكل ماتتصورينه وتراعي خاطرها
يارب لك الحمد والشكر

وهذا كله بسبب الدعاء لعل احدى دعواتها وافقت باب مفتوح فقبلها الله

فانتي لاتضيعين عليك هالفرصة بالغيرة وتتبع اخبار واحد مايصلح لك بل يكن همك هو دعاء الله كل ماجاء طاريه على بالك
وان شاء الله فترة بسيطه وتلقين نفسك اسعد الناس

الله يعطيك افضل مما تتمنين

ياعمري الله يعوضك يارب