الغيره وما تسوي

السلام عليكم ورحمة الله وبركاته
وعيدكم مبارك وتقبل الله منا ومنكم صالح الاعمال
طبعا وفي الغالب بالعيد الكل ينبسط ويسعد ولكن لكل حاله استثناء فهناك المرضى الله يشافيهم وهناك من عندهم ظروف قاسيه تكسر فرحتهم وهناك من عندهم ظروف بسيطه ولكنها تعكر صفو سعادتهم
عزيزاتي حابه اخذ رأيكم بموضوع اختي اللي من تزوجت وهي تشيل هم كل عيد لانها ستقابل سلفتها! تخيلو السبب!
حاولت على مدى السنين ان أصغر من حجم الموضوع حتى يكون بنظرها تافه وحتى لا تعطيه اهتمام بالغ يحول دون فرحتها بالعيد ولكن للاسف ماقدرت! ذلك لان سلفتها عام ورى عام تزداد غيرتها من اختي وبالتالي تزيد من تصرفاتها لأختي اللي على حد قولها ترفع الضغط مهما حاولت تجاهلها!
من بعض تصرفاتها تحاول تنتقدها وتنتقد شكلها ،لبسها،او ترمي كلمات على اولادها بأنهم مثلا غير جميلين او لبسهم غير جميل بالرغم (ووالله مااقول هالشي علشانها اختي)لكن والله ان شكلها ولبسها وشكل عيالها ولبسهم اخر جمال وذوق...لكن التفسير الوحيد هو الغيره!
تقولي اختي اذا رديت على كلامها زادت وطلعت قدام الكل اني انا الغلطانه وان هي يوم تكلمت عليها تكلمت من حسن نيه ومو قصدها!
تقول سفهتها برضه ما فاد تناديها باسمها وتبتدئ تعليقات!
تقول وش الحل!
بالرغم من ان اجتماعاتهم محدوده و قليله جدا تكاد تكون بالأعياد فقط!
لذلك هي ما تشيل هم الا الأعياد ..اللي على حد قولها الناس تنبسط فيها وهي تلقى من ينكد عليها بتعليقاته!
وأختي يا بنات من النوع اللي اذا تنكدت خلاص يتغير مزاجها ويجيها ارق وفعلا تتنكد وتتعب
فايش تنصحونها باخليها تقرا تعليقاتكم
وما أسامح ولا أحلل من تنقل الموضوع للانستجرام او لأي منتدى اخر
وارجوا من المشرفان رجاء بسيط بمناسبة هالعيد انهم يخلون الموضوع كم يوم بالقسم لعل اختي تجد حل يقنعها ويكون فرج بعد الله لها ..وشكرا لكن