الغيره يابنااات !! وياقلب لا تحزن

والله إن العبره تقتلني .. والله إني مليت من نفسي
أكتب لكم معاناتي مع أختي إلي أكبر مني .. ذبحتني ذا البنت .. تغار مني غيره مهوب طبيعيه
طيب أنا وش ذنبي يوم أن الله قسم لي رزقي .. وهي رزقها كذا ..
يابنات من يوم حنا صغار وأختي تغار مني بشكل فضييييييع .. بس هالحين غيرتها زااادت
راح أقول لكم .. من يوم حنا صغار والكل يموت فيني .. لأني كنت وحده ملكعه وشقيه مره
والمثل يقول < خلك مزعج تثبت وجودك > الله يخلف علي ..
كنت شاطره ودايم من الأوائل .. وأختي على قدها وقد سقطت كذا مره ..
أنا أحلى من أختي بشهااااادة الناس .. بس هي ماعليها مملوحه .. أنا أبيض منها !! طيب أنا وش ذنبي هذي خلقة ربي .. تغار مني مره .. لا تحسبوني أكتب كذا عشان أجذبكم لي لا لا لحظه ماوصلنا للنيشان :( ..

تخيلوا بنات هي ماخذه حقها وزود !! وأنا لما أقول شي تقول هذي شايفه نفسها !! على وش ياحسره .. تخيلو الوضع معي !! هي أبوي دخلها مدرسه أهليه .. وفي ثالث ثانوي نجحت بنسبة جيد .. طيب وبعدين دخلها معهد نيوهرايزن .. همن ذا على حسابنا .. وأول ماتخرجت أبوي سوا لها حفلة تخرج وجاب لها طقاقه !! وبوفيه وحركات وربي يابنات ..
وهمن طلع لها جوااااال .. وأختكم في الله تخرجت بتقدير ممتاز وإيش حصلت ؟؟ ولا شي مما ذكرأعلاه لا جوال ولا حفله ولا دخلت شي بفلوس ..
أنا ماقلت شي وعاذره أبوي .. طيب يوم جيت أبدخل الجامعه القسم إلي أبغاه ماحصل لي نصيب فيه قلت لهم بحتري الجامعه للنص الثاني وأمي تقول لازم تروحين تسجلين في الكليه .. قلت منب مسجله أنا إلي شقيت وأبي شقاي .. وهذيك السوسه تحرش أمي وتقول لها كلام عني والله إن أمي تغيرت معاملتها معي مررررررررررررررررره ..
وقبل لا أنقبل في الكليه قلت لأمي يمه سجلوني في المعهد باخذ دورة أنقليزي
قال أختي لييييييييييييييييييييييييييه تسجل ؟؟ الفلوس إلي أبوي بيدفهعها لها يدفعها لي أنا وأدرس فيها من المواد الباقيه لي !!! :29:

دخلت الكليه بالطق :( ولا طلعوا لي جوال إلا بعدين وأنا أبوي قد وعدني قال جيبي ممتاز وبطلع لك رقم مميز وبسوي حفله .. قلت يبه جعلي فداك مابي حفله أنا .. بس عطني جوالي وعوضني بهديه وخلاص .. النتيجه !!!!!!!!!!!!!!!!!!! شروا لي جوال بعد ماطلعت ريحتي وبس عشاني في كليه ورقم بعد يجيب المر قلت والله ماخذه كلكم أرقامكم كشخه وأنا لا !!
المهم إنه أبوي شرا لي الرقم بالطق .. وياقلب لا تحزن ..

تخيلوا هذي أختي إذا شافتني أقرا مجله ولا شي .. تقول لي ياربي من ذا الوجه بس معفطته لنا والله العظيم بنات إني ما أتكلم ولا شي قاعده أقرا في مجلتي وكافتن خيري وشري ..
يوم ضاق صدري قمت وإنسدحت بنوم نفسي غصب .. قامت وطلعت من الغرفه .. أنا عطشت قعدت على السرير أتقلب ساعتين ولا جاني النوم .. طلعت من الغرفه بروح المطبخ .. تقول بس طلعت لنا .. تخيلوا وأمي جنبها ولا قالت ولا شي !!!!!!!!!!!!!!!!!!!!!!!
قلت لها ليه أمشي على راسك أنا قالت لا بس كذا مزاجي .. وأنا بسوي إلي أبيه ..
أنا رحت الغرفه وسكت .. بنات الكليه إلي أنا فيها ما أرجع البيت إلا المغرب منها .. وعاد إذا رجعت أنام وأقعد في الليل أسهر أذاكر وكذا .. والله العظيم لما أكون جالسه أذاكر ..
هم يتعشون في الصاله حتى ماينادوني !! ولا يطلعون من البيت ولا يقولون لي
يروحون السوق ويشترون إلي خاطرهم فيه ولا حتى يعبروني .. أنا إنسانه وأحس والله لو إني جدار .. :44:

والله إني أبكي في الكليه دايم .. وخاصه إذا سمعت بنات يتكلمون عن أمهاتهم .. ولا أمهاتهم يتصلون يسألون عن بناتهم أنا ولا شي وربي ما كأني بنتهم ..
تخيلوا يعني معي .. أبوي جعله في الجنه يعطينا مصروف .. وأنا أستلم مكافئه ..
أختي المحروصه قالت لأمي االحين هذي تستلم مكافئه ومايجي آخر الشهر إلا ولا فلس عندها .. طيب يعني الكليه مايبيلها لبس !! مايبي لها آكل وشرب وأنا ما أرجع إلا المغرب .. مايبيلها كتب وخربطه وهمن أنا بشتري لي إلي خاطري فيه هالحين هم يروحون السوق ويشترون إلي يبون وأنا لا .. أمي قامت وحرمتني من المصروف من غير أبوي مايدري :06: ..قالت لي المفروض أنتي تجمعين لك فلوس .. طيب فلوسي وحره أنا هالحين أبوي يعطيها فلوس وهي ماتجمع طيب جت علي أنا والله العظيم إني أبكي قهررررررررر .. من حر ما أوجس .. ولا قالت لي هالحين بيسوون جميعه وتبيني أقط معهم .. طيب وش يبقا لي أنا ؟؟
باكل في الكليه ولا بشرب ولا بلبس ولا بصرف على نفسي يربيييييييييييييييييييه !!.

تخيلوا بنات مره كان عندنا عرس بنت عمتي .. وذا الحركه دايم تصير لي يعني مهيب أول مره ..سشورنا شعورنا .. وهالحين بنسوي رول للشعر .. أنا سويت لأختي الكبيره شعرها وهلاحين طيب دوري تسوي لي قالت لا منيب مسويه !! قالت شعري بعدين يخرب ..
والله إني ماقدرت قمت أصيييييييييييييييييييييييح وأحط مكياجي وأنا أبكي .. ورحت العرس بالعاده خلاص أنسى وأسكت هالمره ماقدرت صرت بس أبكي ولا حتى أسلم على الناس والحريم يسألون أمي وش فيها بنتكم .. أمي تقول لي قومي أرقصي قلت منيب راقصه .. تخيلوا بنات وش ذا الحركه البايخه ؟؟ هالحين أسوي لها وهي ماتسوي لي
ودايم كذا .. الحين أختي فستانها فيروزي تقوم أمي وتشتري لأختي جزمه وأنتم بكرامه فيروزيه طيب وأنا يالي فستاانك بيدجاني !! قالت أمي إلبسي أي شي :44: ..

عرفت كل ذا إلي يصير لي وش سببه ؟؟ إني أختي تغار مني وتوشوش عند أمي علي :( ..
مره كنا جالسين في المجلس مع أبوي وأخوالي ويتكلمون عن الشغل ..
طلعنا من المجلس ورحنا المطبخ عاد أضحك وأقول لأمي هاه يقول الشايب يبي يتقاعد وقامت أختي تقول إيييييييييييييييييييييه يبي يتقاعد وقامت تقط قطات بايخه المهم في شغله أحي أوضحها
( أنا أمون على أبوي مره - صوتي أنا طفولي مره وصوت أختي حااااااد مره )
عاد قلت لها صوتك عالي والحين بسمعنا أبوي وبيزعل منا .. قالت هذا طيب صوتي ومراح أغيره ولا راح أوطييييييييييه كيفي .. قالت أمي إيه أنتي صوتك عالي
قلت أنا إيه شفتي وشهد شاهدن من أهلها .. قامت أختي وقالت !! على بالك هالحين أنتي حلوه ؟؟ :(:06::44: ..
قلت لها وش دخل هذا في هذا ؟؟
توني أعرف إن أختي تعاني من عقدة النص
طيب شلون نعالجها ؟؟ ساعدوني والله خلاص تعبت أنا ..