احمدوا ربكم


انا والله اللي بديت اشك اني سعودية والا حتى لي
سجل مدني
ايام الارقام كانت الارقام اللي قبلي واللي بعدي مباشرة تترشح
وانا معميهم الله عن رقمي



نفسي افرح بشوفة اسمي لو بالغلط
ههههههههههه

يــــــــاعمرررري إحنا تربويات وتقاديرنا ممتاز وجيد جدا وطلعنا إداريــــــــات وترا الراتب نفسه للتربوي وغير التربوي أقلك إحمــــــــدي ربك إذا توظفتي وإذا شايفه إنك مظلووومه تنازلي عنها ولاتراجعين الديوان إتركيها يمكن تجي وحـــــده محتـــــــــاجه وقنووووووعــــــــــه وتشكــــــــــــر ربها على النعمه وتتوظف بدالك

ظلم على ايش
اللي يسمعك يقول الوظايف عالباب
الحمد لله انها جت اصلاً باقي نتشرط
بعدين زعلانه على ايش الاداري ام الروقان
اما التدريس الله يكثره في قراطيسه
تعب ومسؤوليه واحنا وانا اختك مو صغار مافينا شده
وجيل اليوم اجارك الله منه الوحده عيالها ماتقدر فيهم عاد بنات الناس
لالالالالالا
ربي علم بحالنا ورحمنا بالاداري احمده واشكر فضله

بناااااااات وش فيكم احمدوو ربكم على الوظيفه تراها رزق من الله ليه تتبطرون عليها والله لو ما طلعت اسمائكم ان تعرفون ان هالوظيفه وش ما كانت انها نعمه روحو شوفو غيركم من البنات اللي ما طلعت اسمائهم يتمنون الوظيفه انتي ياللي تقولين ظلم لغير التربويات انتي قبل ظلمتي نفسك ودخلتي هالكليه لازم تتحملين قرار انتي اتخذتيه من قبل ورضيتي تدرسين حالك حال التربويه ،،، ترا انا مثلك غير تربويه بس احمد ربي واشكره ان طلع اسمي بعد 10سنوات .. اقول لكل وحده طلع اسماء ولا هي راضيه يا انها ترضى وتحمد ربها وتسكت والا انها تنسحب من هالوظيفه وتعطي الفرصه لغيرها وتكون قد الكلام اللي تقوله انها ظلم لها وهي لازم ما ترضى الظلم على نفسها اذا هذا الشي يريحها '''' 

انا غير تربويه وما طلع اسمي الحمد الله على كل حال صح زعلت بس وش باليد مالنا الا الصبر نصبر زي ما صبر غيرنا

والله اني اتمنى الوظيفه الاداريه ولي تقريبا 8 سنوات خريجه

وش لي بمقابل البنات وغثاهن وتحظير دروس

والله العظيم شوفي الحين هالي عينوهن وش حالهن مسكينات بكل جهه رموهن وشوفي حالتهن متبهذلات من ناحية السكن والغربه والي بتترك زوجها وتبي تتحمل مسؤلية الاولاد والدوام لحالها وزوجها بيرتاح يمكن بعد يفكر يتزوج ثانيه الرجال ما يصبر مهما كان وذي يخليها لاهيه بمدرستها
والله اني اول اتمنى التدريس وفكرت ادرس دبلوم بس بعد ما قريت معاناة الي ترشحن للتعليمي هنا وفي منتديات ثانيه والله ثم والله اني اقوول الحمد الله اني ما ترشحت والله انها خيره

شوفي الي بالشرق حطوها بالغرب والي بالشمال حطوها بالجنوب وهكذا وتفكرينهن بيحطونهن بمدن هيهات ثم هيهيات بيرمونهن بقرى وهجر يعني بيمسكن طريق بر ربي يستر عليهن بس هذا غير وقت البرد والمطر والتعب ويبلشن بعيالهن وقت الدوام

يوووووووووووووه احسها دوامه مراح تنتهي ولك 3 سنوات ما يستحقلك تطالبين بالنقل ابدا بعد الثلا ث سنوات الله الي يعلم يحنون عليك ولا لا والنقل تراه مثل التعيين فيه يجيك وفيه ما يجيك يبطي يعني تجلسين يمكن 8 سنوات اذا مو اكثر الا عاد ان كان عندك واسطه فيمكن تنقلين

حتى الاداريات مو مرشحات بنفس مناطقهن الله يعينهن واذا ترشحت بنفس المنطقه تحلم تكون قريب بيكون القرى الي حولها والهجر يعني تعب وصك كعب ودوخه وغربله
بس الاداري الي يهونه اني اسمعهم يقلون ان النقل سهل واحتمال تعيينك عالرغبه الاولى والله اعلم

يا بنت الحلال هونيها وتهون وترا الراتب مافيه فرق والله كلها 1800 ريال بس ويمكن اقل والله ما تسوى تعبي ومرمطتي

ولوو حطو راتب الاداريه قليل صدقيني والله كان ما خلو البكالريوس تترشح عليها وحطوها عالسادس والله والله راتبها حلوو والبركه من ربي لو راتبك ايش

ارجووو انك تقرين كلامي وان شاءالله بتقتنعين وترتاحين وصدقيني الخيره فيما اختارها الله

ولا تنسين حوادث المعلمات كل شهر نسمع بحادث الله المستعان وربي قادر يحفظ الجميع من كل سوء ومكروه