الغيير للأفضل..أرجو الدخول

شوفي يالغاليه بإذن الله إنك تؤجرين علي نيتك..
وصدقيني الأمر بسيط لكن الشيطان
يحاول يضخم الأمر بنظرك حتى
تحبطين وتذهب عزيمتك وتعودين
الى ماكنتي عليه..
لاتثقلين على نفسك ولكن تدرجي
بمنعها ..
العبائه ياغاليه حاولي تبتعدين عن الزينه
فيها وأخلصي نيتك لله وتذكري من ترك
شيئا لله عوضه الله خيرا منه وصدقيني
اذا استشعرتي معنى الإخلاص في حجابك
ماراح يأثر فيك لو حتى خرج جميع من هم حواليك بدون حجاب..
والصدقه لاتسوفين فيها بحيث اذا حصلتي
على مصروفك خرجي منه الصدقه واعطيها
احد يحفظها لك حتى تخرجينها الى من مستحقيها..
اسأل الله أن يثبتك ويرضى عليك.

الله يجزاك خير يا طالبة بكلية الدعوة

والله يكثر من أمثالك

وصدقتي في اللي قلتيه

والله يقدرني يارب ..

اختي الغاليه الله يهديك ويهدينا وياك الى مايحب ويرضى اللهم امين ..

بالنسبه للصدقه ، بقترح عليك فكره ..
خلي عندك حصآلة ، او انتي اصنعي لك من أي علبه ما تحتاجينها حصآله ..
وأكتبي عليها ، مثلاً : حديث الرسول عليه الصلاه والسلام : " ما نقص مال من صدقه " او " إتق النار ولو بشق تمرة " ..
وكلما تصرفين فلوسك وتبقى معك ريالات او خمسات او عشرات ، حطيها في الحصاله ،
وحتى لو ريال لا تستهينين فيه حطيه ..
وتذكري ان النبي صلى الله عليه وسلم يقول:
(( ما من يوم طلعت شمسه إلا وملكان يناديان : اللهم أعط منفقاً خلفاً وممسكاً تلفاً )) ..

وان شاءالله تتشجعين .. وآخر الشهر مثلاً ، جمعي اللي بالحصاله ، وحطيه بظرف
وتبرعي فيه لـ الندوه العالميه للشباب الاسلامي ..

ولو خبرتي اهلك او اخوانك الصغار على فكرتك راح تتشجعين اكثر ..


،


وبالنسبه للعبايه ، تذكري ان كل وحده فينا لما تموت ، فوق الكفن راح تتغطى بعبايتها ..
فــ ايش العبايه اللي ترغبين انك تستقبلين فيها الله و الدار الآخره ؟!!
صدقيني محد ينفعك ، وانا عارفه شعورك ..
بعض صديقاتي وبنات الجامعه عباياتهم مزخرفه واشكال و الوان
وانا عباتي عالراس ونقابي مثل نقاب امي .. صح ان شكلي غير عنهم ..
ويمكن البعض يقط نظرات غريبه ..
بس والله ما اهتم في انطباع الناس .. بالعكس حلو انك تطيعين ربك وتذكري انك عالطريق الصحيح
وان الشيء هذا الله امرك فيه .. وهم اللي عصوه .. فلا تصيرين عاصيه زيهم .. مدامك عارفه طريقك !!
واصلا الله تعالى قال في الحديث القدسي فيما معناه ،
ان من قدم رضى الناس على رضى الله ، سخط الله عليه واسخط عليه الناس !!
ومن قدم رضى الله على رضى الناس ، رضى الله عليه وارضى الناس عنه ..

والله يوفقك يارب ..

جزاك الله خير أختي الفتاة المهذبة
وفكرتك حلوه وان شاءالله ربي يقدرني وأطبقها


والله يرضى عننا يارب