:أماني: :

حبيبتي نصيحة من قلبي اقولك روحي مستشفى ترا كل هالمسكنات ماراح تروح المشكله والشرخ ترا غير البواسير شوفي بقولك وعن تجربه وسبق هنا بنت كتبت عن علاج ورديت عليها انا حبيبتي بنت لا متزوجه ولا من ولادة ولاشيء بس من الامساك المهم جاني شرخ قبل كم سنه ونزيف ومن عقبها التأم الجرح من نفسه بس صرت احس بقطعه صغيره زايدة من برا ما تطلع من داخل وكنت مره متضايقه ورحت لطبيبه قالت الجرح راح واذا تبين تسوين عمليه تجميليه بس مالها داعي لانه مايبين لهدرجة.. وكنت اتعب فترات اذا جاني اسهال او امساك وبس ظليت على هالحاله 4 سنوات لحد ما وصلت حد خلاص مااقدر اتحمل اكثر من الالم فضيع كان كل هذا بس من قطعه مره صغيره . ولما رحت كشفت قالت لي ممكن بالادويه تخفي قلت لها خلاص ابي عمليه مااقدر ابي احس اني طبيعيه زي باقي العالم وفعلا سويت العمليه وقتها الدكتوره اكتشفت انه كان في بواسير من داخل ما لاحظتها وقت الكشف بالعياده وكانت العمليه مره مره صعبه ومااقولك انا تعبت مره وجتني الدوره بعد العمليه بيومين كانت مره الدوره خفيفه بس كفايه المها متعب و التهب الجرح بس الدكتوره نظفته لي واعطتني ادويه اقوى وتقريبا ظليت اسبوع وطاح الخيط وبعدها ظليت فتره اعاني من الجرح والكل قالي يبيلك اقل شيء 4 شهور لحد ماترجعي طبيعيه بس الحمد لله الدكتوره استشاريه جراحة ممتازه وبعد 3 اسابيع من العمليه رجعت لعملي وبعد شهر ونص تقريبا رجعت لحياتي الطبيعيه في كل شيء وبكل ثقه الصراحة احس روحي طبيعيه زي باقي الناس اقل شيء والحين احمد ربي الف مره اني سويتها صحيح ماابي اتذكر الالم عارفه المكان مره حساس بس بعدها راح تحمدين ربك مليون مره.واتمنى انك ما تحتاجي عمليه ماابي اخوفك بس قلت لك تجربتي .. الدكتوره نصحتني وقالت لي كلما تتذكري الالم لازم تاكلي وتحاولي تتغذي علشان ما يجيك امساك اهم شيء تشربي مويه كثير وعصاير تاكلي عنب ، بطيخ ، السلطات حليب ولو تقدري اشوي تمارسي رياضه برضو كويس وابتعدي عن اي شيء يسبب الامساك زي ، المشروبات الغازيه ، الجوافه ، الرمان ، الكاكاو ، الملفوف ، الموز ممكن تاكلي منها بس لا تكثري واذا تبين تخففي الالم الحين فيه كريم مخدر موضعي xylocaine 5% وهذا مخفف للالم ويساعد على التآم الجروح يستخدم حتى بعد جروح الولاده MEMO ولازم تكون المنطقه معقمه تقدري تستخدمي اسبري بخاخ من بيتادين راح يحرقك اول شي بس مطهر ومعقم للمنطقه واستخدمي على طول كيري فيري واي سؤال انا حاضره وماابي منك غير دعوه صادقه من أخت لاختها بتسير اموري وعلى فكره انا توي مسويه العمليه مش من فتره علشان كذا اتذكر الالم مره وحاسه فيك الله يشفيك والاهم لا تنسي الدعاااااااااااء حتى الدكتوره كانت توصيني بالدعاء ويارب يشفيك ويوقف معك يارب وكله احتسبيه اجر

حبيبتي نصيحة من قلبي اقولك روحي مستشفى ترا كل هالمسكنات ماراح تروح المشكله والشرخ ترا غير...