صباح الخيرات
كيفكم جميعا ان شاء الله تمام
انا شكل الوحام رجعلي ثاني 😭😭😭😭😭😭😭😭
اي شئ اكله استفرغ الله يكرمك على طول وغثيان طول الوقت واخلاقي على طرف خشمي وابغى انام بس وين اللي عندها اطفال صغار مافي نوم
بس تقريبا اخف وحم في عيالي
ولدي الكبير لين قبل ولدتي بيومين وانا اتوحم وكان وحامي شديد مرررره مع وسوسه نظافه وعزله ما ابغى الناس


وبنتي قعد ٦ شهور وحام اخف من اخوها بس طول الحمل الحساسية ذابحتي وكحه طول فتره الحمل وانا رايحه راجعه من المستشفى اكسجين و كان ثقل مو طبيعي من اول شهر غير الم الركبه والحوص اللي الى الان اعاني منه الركبة فيها ميلان من الثقل والحوض
الله يعينا ويساعدنا على حملهم وتربيتهم افضل تربية يارب

جلنار انا كنت مركبة باب للمطبخ في شقتي القديمة لمن كان ولدي صغير وكان مريحني
الحين ازن على زوجي ابغى للمطبخ وهو مو فاضيلي ذا الشهر كله يخرج ٨ الصبح للدوام ويرجع ١١ الليل حتى الويكند يروح الدوام عشان نهاية سنه الميلاديه
حتى الاجازه راحت كذا لاخرجنا ولا استانسنا جالسين بالبيت
رحت اسبوع عند اهلي بس ولدي يبغى يخرج يتمشى بس جالسين في البيت بتخلص الاجازه على كذا 😭😭😭😭

ع طاري الحليب انا بولادتي الاولى والله تعذبت عذاب ربي يعلم به مارضعته اول يومين لانه مايعرف يرضع و اليوم الثالث سخنت و تعبت و صار كنه حجر قاااااسي و لا اقدر ارضعه لانه يموتني الالم و الله كنت اصيح منه و ماني عارفه وش اعمل ، وع استغفرالله شعور مٌررر ان شاءالله ما يجيكم . نفس الم الفطام بس اضعاف ،، الله يجبر بخواطر اللي اولادهم يموتون وقت الولاده والله كنت افكر فيهم يعني كيف تقعد بهالفتره و الحليب يتجمع بس سالت امي قالت يعطونهم حبوب تنشف الحليب😓


ماحب اذكر هالالم و مابتفهمني الا اللي جربته

يسعد صباحكم
بالنسبه للحكومي والخاص
انا ببناتي كلهم فالخاص وولدت طبيعي على اني في كل الثنتين اخذ طلق صناعي ويصبرون علي
ببنتي الاولى جلست يومين ومليت وصناعي طفشت قلت ابي عمليه وعيت
وببنتي الثانيه وانا اتألم اترجاهم بعمليه ورفضو
بالعكس حاولو فيني احس كلمة ان الخاص يستعجلون عالعمليه كلمة دارجه والناس صدقوها
وبالعكس راحه ولاااحد ينافخ عليك ونظافه وعلى ان كل المستشفيين يختلفون عن بعض بولادتي
الحكومي ماجربته فيه ناس تمدحه وناس لا يعني على حسب مو شرط انه حكومي يعني كفاأة الاطباء كويسه لا
اشوف ناس يعانون من خياطه سيئه والا تعامل زفت وغيره
يعني في كل الحالتين تساهيل من ربي لكن مسألة ان الخاص يولدونك عمليه وانتي مهيأه للطبيعي ماشفتها
يعني اقل شي الناس واعين الحين بقول ليه عمليه ؟وش الاسباب وهم اكيد بيخافون على سمعتهم
احيانا الوحده تقول هم ماصبرو علي وهي وضعها حرج بس تبيهم يصبرون وبس وتطلع وتقعد تذم الخاص انهم ماصبرو عليها وهي وضعها في خطر اصلا
كثرت كلام اليوم وشفيني ههههه هاذي فصلة النوم

ايوة والله الحمدلله