الــتــــربـيـــة العملي ومـــا أدراك ماالتربية العملي..

حبيبتي لاتشيلين هم

لأنها كلها ايام بسيطه...وبتتخرجين وتجلس لك ايام التربيه العمليه

ذكريــــــــــــــــــــــــــــــــات

وبتتندمين انك مافرحتي فيها!!


شوفي بالنسبة للتحضير طريقته سهله جدا:

واعطيك مثال عليه على حديث المكاره والشهوات:

طبعا التحضير عرضي

واول خانه فيه الاهداف وتكتبين مثلا:

ان تذكر الطالبه امثله على الشهوات

وامامها خانة الشرح وتكتبين شرح الهدف:

الشهوات هي: (اكتبي تعريف لها او شرح معين) واكتبي امثله للشهوات

وفي النهاية خانة التقويم وتكتبين فيه سؤال الهدف:

اذكري امثله على الشهوات؟؟


وتكتبين الهدف الثاني:

ان تذكر الطالبه 3 من المكاره

الشرح:

المكاره هي: (الشرح) ومن امثلتها: .......

التقويم:

اذكري 3 من المكاره ؟؟

وبهالطريقه تكونين عدد من الاهداف والتقويم والشرح!!

وفي النهايه تكتبين سؤال تقويمي يشمل الدرس كله....ممكن يكون على هيئة ورقة عمل....والواجب طبعا


اما الافكار:

تمهيد الدرس....قد يكون قصه او اسئله

مثلا: اسئله عن الدرس السابق

او

اسئله تتضمن موضوع الدرس الجديد

مثلا: هل خلق الله جنه فقط؟؟ ام خلق النار فقط؟؟

ام خلق النار والجنه معا؟؟

لماذا؟؟<<حتى يحاسب كل امريء بمثل عمله

ماهي طرق ووسائل حصولنا على الجنه؟؟

<< الاعمال الصالحه

وماذا تحتاج منا؟؟ <<الصبر والاخلاص

وماهي اسباب دخولنا النار؟؟ <<الاعمال المنكره

كيف نتقيها؟؟<<<بالابتعاد عنها والصبر على الطاعه


اعطي امثله للاعمال الصالحه؟؟

<<<الصلاه الصيام الحج وووالخ

هل القيام بها سهل ام لا؟؟؟

<<<<اكيد لا

لذا هي من المكاره لدى النفس البشريه

وبالمثل ع الشهوات <<بنفس الطريقه تسألين عنها


طريقة البدايه بقصة حلوة جدا وممتعه....لكن تحتاج منك البحث

مثلا: ممكن تذكرين قصه (والافضل تكون حقيقيه) مضمونها انه شخص ترك احدى المنكرات ودخل الجنه

او شخص عمل احدى الشهوات ودخل النار

مثلا: قصة الصحابي اللي رمى التمرات وقام جاهد ودخل الجنه

قصة الصحابه عندما نزل الامر بتحريم الخمر وكيف سكبوا الخمر في شوارع المدينه امتثالا لأمر الله فـ بشرهم الله الجنه

مثلا قصة الصحابه عندما قدموا ارواحهم في سبيل الله وبشرهم الله بالرضوان


والقصص في هالمجال كثيــــــــــره

وبعد ماتقصين القصه....تسألين عليها اسئله....حتى تتوصلين للعنوان


بعدين اكتبي العنوان عادي وابدأي اشرحي

وفي النهايه عندك التقويم...اسئلي فيه اسئله مراجعة للدرس نفسه

وعندك كمان الهدف الوجداني..ممكن يكون اية او حديث او قصه او حكمه

اطلبي منهم على سبيل المثال يجيبون لك اية عن وجوب الامتثال لـ امر النبي عليه الصلاة والسلام

او اختمي الدرس بقصه (بشرط انك تبدأين الدرس بأي شيء غير القصه)

ممكن توزعين عليهم اوراق عمل فيها اسئله متنوعه

وممكن صور

مثلا: صور الدخان والخمر وغيرها من الشهوات

وصور رجل يصلي وبعض صور المكاره

واطلبي منهم يصنفون الصور في جداول



كمان ممكن توزعين الطالبات على شكل مجموعات....كل مجموعه فيها من 3 الى خمس طالبات

وسمي مجموعه باسم الصلاة والثانيه باسم الصيام والثالثه باسم الدخان يعني كل مجموعه اسمها على اسم احدى الشهوات او المكاره

واطلبي منهم بالنهايه يكتبون لك اي شيء يعرفونه عن اسم مجموعتهم

مثلا مجموعة الصلاة تكتب لك احاديث وايات عن الصلاة...اوقاتها صفاتها...انواعها (صلاة الفرض صلاة السنه صلاة الاستشقاء)ووو...

وهذي الفكره تكون فكرة التقويــــــــــــــــــم النهائي


فكره اخرى.....تقسمين السبورة قسمين

مكاره وشهوات

وتكتبين في فلين مقسم على مستطيلات اسم لـ احدى المكروهات او احد الشهوات

مثلا/ في الفلين الاول (الصلاة)

الثاني ( صيام البيض)

الثالث (قيام الليل)

الرابع (صيام رمضان)

الخامس (شرب الخمر)

السادس (الزنا)

وو....

وتقومين عدد من الطالبات يكون عددهم مساوي لـ عدد الفلينات

وكل طالبه تأخذين فلين بشكل عشوائي وترتبه في المكان المخصص له في السبوره

الطالبه اللي عندها فلين الصلاة تلصقه تحت جدول المكاره

واللي عندها فلين الخمر تلصقه تحت جدول الشهوات

فكره حلوة وفيها اشراك للطالبات

وتعجب المشرفات كثيــــــــــــــــــــر


واي سؤال ان حاضره

والله يوفقك يارب

والله حاسه فيك ياقلبي لأني بعد أناعندي تربيه عملي وحايسه زيك ومابعد شرحت وراح اشرح يوم الثلوث الله و يستر

والله حاسه فيك ياقلبي لأني بعد أناعندي تربيه عملي وحايسه زيك ومابعد شرحت وراح اشرح يوم الثلوث والله يستر

:(

الله يعين...

أهم شيء عندي ضبط البنات وإدارة الصف...

ما أقدر أفيدك

حبيبتي الله يوفقك ويسهل لك

اعتقد اهم شي انك تكونين واااااااااااااااااااااثقه من نفسك ولا تبينين انك مرتبكه او خايفه لان البنات ماينعطون وجه
واذا حسوا انك مو على بعضك ماراح يخلونك وخذي استهبال وقله حيااااااء

انا مثل عندي تربيه عملي والحمد لله حلو شرحت الاسبوع اللي راح كنت في البدايه مرتبكه شوي بس اول شي عرفتهم على نفسي وقلت لهم طريقتي في معاملتهم كيف والحمد لله كانت مره حلوه الحصه

ادري طولتها وهي قصيره

بس هذا اللي عندي وماقصرت اختي عبير النرجس كفت ووفت الله يسعدها

وبالتوفيق ياعسل ,,,

ووسعي صدرك تراه مره ونااااااااااااااااسه بس اني خلك ريلاكس وصدقيني راح يعجبك ,,