بجد عملت جباتي لاول مرة وماشالله ضبط معاي والطعم يم يمي -- فقلت لازم انزله لحبيباتي بنات حواء --
المقادير:
كاسين طحين
ملعقتين زيت
كاس ماي دافي
ملعقتين سكر
ربع ملعقة ملح
الطريقة :
تنخلين الطحين ( اختياري )
تضيفين له السكر والملح
تعملين حفرة في الوسط وتحطين نصف كاس الماي والزيت وتبتدين العجن وتضيفين باقي الماي وتواصلين العجن
تنقلين العجينة الى سطح مرشوش بالطحين وتعجنين مرة ثانية الى ان تصير عجينة ملساء
تغطينها بكيس نايلون وتخلينها ترتاح لمدة ربع ساعة
بعد الربع ساعة تاخذين العجينه وتقطعينا تقريبا عشر قطع ( بحجم الليمونه الصفرا )
وترقينها وتلفينها الى ان يكون شكلعا مثل الحلزون ( امحق تشبيه ) :35: اتمنى انكم فهمتوا المهم ترجعونها مرة ثانيه وتغطونها بكيس النايلون وتتركونها بعد ربع ساعة
وبعدها ترقينها على سطح مرشوش بالطحين وتحطين التاوه على النار وصبي ملعقة ط زيت وحطي الجباتي وصبي فوقه ايضا ملعقة زيت وقلبي مع الضغط الخفيف وبس
