())()()()( الــحــزن )()()()()()

السلام عليكم ورحمة الله وبركاته

كيفكم بنات...؟؟

*حبيت أساعدكم بشيء موجود عندكم وبدون تعب لان فيه جدول حلو ومرتب انا منتظمه فيه

على طاولة التسريحه خلي قدامك اربع خلطات متشابهه لكن كل وحده لها مفعولها

1_ قاروره زجاج تضعين فيها كل من (زيت اللوز المر + جلسرين سائل)كل نوع من الانواع النص
يعني نص القاروره ..ورجينهم جيدا وخليه قدامك.

2_قاروره زجاج فيها كلا من ( جلسرين سائل + ليمون ) النص من كل نوع حتى تملين القاروره
ورجينهم جيدا وحطينها قدامك .

3_ برطمان زجاجي واسع من فوق تحطين فيه كل من ( نشاء حبه كامله + جلسرين كريم واحد كله تحطينه+فازلين كريم كله تحطينه بعد+ جليسوليد كريم كامله+شويه فكس يعني اربع ملاعق+زيت بيبي جونسن كامله ) تحطين كل المكونات في البرطمان وتحركينهم مع بعض بالملعقه جيدا حتى تتجانس مع بعض.

4_ زيت (أم الجدايل ) للشعر من الصيدليه ..اللي تبي شعرها يطول وينعم ويكثف

**** كل زجاجه من رقم (1و2و3) استخدميها كل يوم وحده تدهني فيها جسمك كله حتى وجهك وتنامين
الصباح تتروشين بالشامبو اللي تبينه.

**** الزيت الطريقه مكتوبه فيه واللي تبي شعرها يطول تستخدمه كل يوم وتنام فيه ومع الخلطه حقت الجسم والصباح تتروشين ترويشه كامله عن الشعر وخلطة الجسم.

بنات حبيت افيدكم بشيء الان انا اسويه والله هالخلطات مع الايام تشوفين بنفسك النتيجه
استعمليها حتى شهرين او شهر
دائما الزيوت تجيب نتيجه فعاله لان الجسم جاف بطبيعة الحال.
لاتتعبين ولاتعبين نفسك بكريمات غاليه الثمن ومافيها نتيجه ودائما البشره اللي تتعود على الكريمات تكون تعباااانه حيل ولما تتركينها كأنك مافيك حياه ابد شاحبه

بنات انا اختكم الصغيره حبيت افيدكم بشيء اشوف نتيجته كل يوم تبين معي وانا طبيعة جسمي متفاوت
يعني الظاهر من جسمي اسمر والداخل ابيض .

واغلب هالخلطات من هالمنتدى لكن حبيت ارتبها لكم وتبدون في كل وحده يوم حتى ماتملون ابد
ويارب يارب يارب تجيب لي ولكم النتيجه اللي تبونهاااا وابيها انا مثلكم

الصـــــبر ..هو اللي يجيب لكم النتيجه المرضيه.

بنات مافيه شيء تبونه يصير يجيكم ..لازم كل شيء بتعب وصبر يجي
بعدين شجعون انفسكم ان هالخلطه اذا خلصتها راح تكون لها نتيجه حلوه جدا

والاهم من هذا كله ..(شرب ماء كثير بحدود 6 اكواب يوميا+ عدم شرب المشروبات الغازيه نهائيا+ عدم شرب المسهرات مثل القهوه والشاي الا باليوم مره فقط لاغير يعني من القهوه فنجان والشاي كاسه وحده بس+ الصحه من غذائك اهتمي في الشيء اللي تاكلينه كثري اكل الفواكه خصوصا البرتقال والتفاح )

هذا جدول متكامل لكم اخواتي جميعاً.

توكلي على الله في كل شيء وابدئي جدولك براحه نفسيه بدون قلق
الــــــــصلاه فهي نور المسلم لاتنسيها.بأنشغالك في نفسك.

اللهم وفق الجميع بما تحب وترضى

اي سؤال انا موجوده واذا تأخرت بالرد اعذروني

كل اللي ابيه الدعاء لي ..وفقكم الله