دلال رسلان
دلال رسلان


الضيقة اللي دايمٍ تالي عصير ..
.. وش حيلتي وأردها لا تجيني


لا طال ظل العود حزة عشى الطير ..
.. كنها على سجن الحديد تحديني


يضيق صدري كل ما جات وأسير ..
.. ولايخفف سوج رجلي حنيني


لا حولنا مشراف ولا اقدر اطير ..
.. يالله قسمة خير لا تبتليني


وعقارب الساعة توقف عن السير ..
.. ولاكن في الدوحة سواتي حزيني


والعبره اللي تاصل الحلق وتحير ..
.. يا قربها لو قيل لي يا عويني


أمل شوف الناس ورد ومصادير ..
.. واللي يقول اشفيك كنه يهجيني


يعني على ما قيل من باب تصوير ..
.. (لاحدٍ أبي قربه ولا أحدٍ يبيني)


أروح أدور خط مابه دواوير ..
.. وأدور اللي هادها تهتديني


وآخذ مع الهاجوس سجة وتفكير ..
.. وأراجع اللي فات بيني وبيني


وأحسب ذنوبي وأدور التكفير ..
.. عساي ما قصرت في والديني


وعساي ما قارنت من ينفخ الكير ..
.. واللي يحمل المسك جعله قريني


ويطري علي يوم الحشر وأطلب مجير ..
.. ما أعطى كتابي في شقيقة يميني


ويطري علي صدقان كثر الدنانير ..
.. اللي اتعاديني إلا كثر ديني


وراعي الهروج اللي سوات المناشير ..
.. أصد عنه وأدري انه يعنيني


الله حسيبه يوم عرض القواوير ..
.. والله حسبي من صواب مكيني


وإلا طرالي واحد كانه اصغير ..
.. أم أصغر بيومين ولا سنيني


دريت وش قومي وعينت تفسير ..
.. للضيقة اللي من زمن تعتليني


حبه بصدري سالفة سر في بير ..
.. وكن الفواد يقول هذا زبيني


أشفق على علمٍ يجي منه من غير ..
.. لا يسمع اللي سولفوا به ونيني


العام أجيهم من حساب المسايير ..

.. واليوم حال عداي وينه وويني

يا كثرهم غيرهم ولكن خبر خير ..
.. ما غير شوفه في الوجود يهنيني


رايي كذا يا عاشقين الغنادير ..
.. ماله على وجه البسيطه وزيني


خطاي تعليق الأمل في المدابير ..
.. الين راح وشفت حقري بعيني


صبرٍ جميل وخابر إنه مقادير ..
.. والله على تخفيف حزني عويني


ذي حالتي لين اتغبا الشمس واصير ..
.. معطى سراحي عقب مانا سجيني


واذا امتلى جوف الشجر بالعصافير ..
.. طلبت من رب العباد يهديني


يعتقني المذن عقب ضيقة عصير ..
.. اللي على سجن الفراق اتحديني


الشاعر محمد بن افطيس
الأخدود
الأخدود
سلام عليكم حبايبي واشكركم جمييعاالله يرد لكم ازواجكم ولا يشوفون اجمل منكم استفدت منكم كثير وارتاح لما ادخل في هذا التجمع عسى الله مايحرمني منكم ولا من نصايحكم..حبيت اسالكم واستشيركم هل الزوج مجبر يعطي المره شروطها الله شرطتها قبل زواجه ووافق عليها ولاعنده اي مشكل.. بس بعد الزواج يرفض ويقول اذا عطيتك لازم اعطيها تكفون ريحون.. والله تعبت اذا طالبت بشروطي يرفضويزعل ويقوم الدنيا وانا ماعلمت احد من اهلي مخليتها على الواحد الاحد ولا بينت لاهلي اني متضايقه ولا اي شي وكاني عايشه مبسوطه وانا اتالم من داخلي ولا ابي احد يتدخل واشوفه ييتمادى مع في الرفض حتى جاب لي سواق لعيال عشان المدارس وطلبته منه واخذته وتقول ابي ادفع راتبه كله عشان يعطيها السواق ورفضت والحيت انا محتاجينه اكثر منها وراح يقولي بتدفعين فلوسه صار يذلني هو واياها بالفلوس وهو مايرفض لها طلب ولا عمرها سمعت لا منه..وشاكه ان اي شي يصير بينا من كلام او زعل طوال ياخذ الجوالوهات رسايل يعلمها بكل صغيره وكبيره ومايخلي عليها شي لان٧يحبها كل شييصلها وياخوفي بعد انه شوه سمعتي عشان تحبه وترضى فيه لانه يخطبهااكثر من مره وترفض وفي الاخئر وافقت والسبب اختها اغصبتها عليه.يارب رده لي ولعياله ردا جميلا..والله افكر اطلع من البيت واكتب له ورقه ياانه يعطيني شروطي ولا ماراح ارجع انا تعبت نفسيا
شوشو القميلة
شوشو القميلة
روووعه القصيده يادلول
ام الفضل s
ام الفضل s
الضيقة اللي دايمٍ تالي .. .. وش حيلتي وأردها لا تجيني لا طال ظل العود حزة عشى الطير .. .. كنها على سجن الحديد تحديني يضيق صدري كل ما جات وأسير .. .. ولايخفف سوج رجلي حنيني لا حولنا مشراف ولا اقدر اطير .. .. يالله قسمة خير لا تبتليني وعقارب الساعة توقف عن السير .. .. ولاكن في الدوحة سواتي حزيني والعبره اللي تاصل الحلق وتحير .. .. يا قربها لو قيل لي يا عويني أمل شوف الناس ورد ومصادير .. .. واللي يقول اشفيك كنه يهجيني يعني على ما قيل من باب تصوير .. .. (لاحدٍ أبي قربه ولا أحدٍ يبيني) أروح أدور خط مابه دواوير .. .. وأدور اللي هادها تهتديني وآخذ مع الهاجوس سجة وتفكير .. .. وأراجع اللي فات بيني وبيني وأحسب ذنوبي وأدور التكفير .. .. عساي ما قصرت في والديني وعساي ما قارنت من ينفخ الكير .. .. واللي يحمل المسك جعله قريني ويطري علي يوم الحشر وأطلب مجير .. .. ما أعطى كتابي في شقيقة يميني ويطري علي صدقان كثر الدنانير .. .. اللي اتعاديني إلا كثر ديني وراعي الهروج اللي سوات المناشير .. .. أصد عنه وأدري انه يعنيني الله حسيبه يوم عرض القواوير .. .. والله حسبي من صواب مكيني وإلا طرالي واحد كانه اصغير .. .. أم أصغر بيومين ولا سنيني دريت وش قومي وعينت تفسير .. .. للضيقة اللي من زمن تعتليني حبه بصدري سالفة سر في بير .. .. وكن الفواد يقول هذا زبيني أشفق على علمٍ يجي منه من غير .. .. لا يسمع اللي سولفوا به ونيني العام أجيهم من حساب المسايير .. .. واليوم حال عداي وينه وويني يا كثرهم غيرهم ولكن خبر خير .. .. ما غير شوفه في الوجود يهنيني رايي كذا يا عاشقين الغنادير .. .. ماله على وجه البسيطه وزيني خطاي تعليق الأمل في المدابير .. .. الين راح وشفت حقري بعيني صبرٍ جميل وخابر إنه مقادير .. .. والله على تخفيف حزني عويني ذي حالتي لين اتغبا الشمس واصير .. .. معطى سراحي عقب مانا سجيني واذا امتلى جوف الشجر بالعصافير .. .. طلبت من رب العباد يهديني يعتقني عقب عصير .. .. اللي على سجن الفراق اتحديني الشاعر محمد بن افطيس
الضيقة اللي دايمٍ تالي .. .. وش حيلتي وأردها لا تجيني لا طال ظل العود حزة عشى الطير .. .....
رائعه الله يعطيك العافيه
يابخت الشاعر يعبر عن مشاعره باسلوبه
ام الفضل s
ام الفضل s
السلام عليكم خواتي الملكات
مسسسساء الخير
الله يسهل جميع امورنا والحمدلله على كل حال
الله يرزق قلوبنا الفرحه من عنده ويهدينا للعمل الصالح ويبلغنا رمضان على خير ويرزقنا فيه الصيام والقيام وصالح الاعمال اميييين يارب العالمييين