D3watcom♥ :

مساء الخير الله يسهل ولادتكم جميعا وللي ولدوا مبروك يتربوا بعزكم يارب انا متابعتكم من التباشير ٦ وقلبي معاكم ادخل اشوف مين ولدت واتابع الاكشنات وقلت خليني اشارككم كم شغله واكشن الولاده مره وحده انا ولدت قبل امس الحمدلله نفسكم كنت احس بثقل وتعب وادور اي شي ممكن يسهل ولادتي لكن للامانه ماجربت اي شي سمعت ان بعضها ماينفع نستخدمها والرحم مقفل فقلت بلاش لكن الشي الوحيد اللي جربته اناناس مع كيوي كل يوم اشرب كاستين ومره سويت كوب حليب بسبع تمرات وطحنتهم وصفيتهم وشربتهم لكن في يوم ولادتي وبعد ماصليت الفجر قلت ي بنت اقرأي ورد الولاده اللي ذكرتوه قبل كذا واخذت قارورة مويه واجلس اقرأ فيها وكان ختامها سورة مريم بعدها اخذت شربه منها وحطيتها جنب راسي العصر نزلت السداده وفيه مغص بس مو منتظم مع العلم اني من يوم مادخلت التاسع معايا طلق بس مو منتظم والرحم مقفل اللي صار ي عزيزاتي انه نمت طاح عليا تعب وعلى الساعه عشره وانا جالسه مع اهلي الا احس بشي انفك وطلعت المويات نزلت عليا اتصلت ع اختي لانها هيه اللي ح تولدني وجات كشفت قالت لسى ١سم امشي وجلست امشي وكل ماجا الطلق هنقت 😩 قالت المفروض بالطلق تمشي المهم عكست الموضوع لاجا الطلق مشيت ولا وقف جلست لان رجولي منفخه ومتعبني المشي بعدها بساعتين تقريبا كشفت قالت لسى ماتغير شي بين الواحد والاثنين سم تحطمت وقتها وقالت امشي ع بال ما اجهز نفسي اروح معاكي وكذا تجهزت ومشينا للمستشفى رغم انه بدري بس علشان اختي تبغى تحط جهاز التخطيط لاني سويتلها قلق انه خايفه ع بيبي لانه نزلت المويات وهيك وقالت افك نفسي من القروشه واوديها تطمن 🤓 وفي السياره يحمى الطلق وبس وصلت الطوارىء ركبت التخطيط واطمنت وكشفت عليا دكتوره قالت ٥ سم الا جلست اصيح ع اختي قلت ابغى البنج انتي وعدتيني تعطيني ابره بنج قالت نروح لكوشك الولاده وابشري ووصلت ااكوشم وجابتلي الدكتوره تسألني اسألتهم المعتاده واقول ي دكتتوره بنج قالت ابشري بس اكشف كشفت قالت بين ٨ و٩ سم اي بنج تبغيه الحين انتي المفروض تدفي خلاص طبعا اختي نادت صاحباتها لانه ماجالها قلب تولدني صارت خايفه عليا كثير وجلست جنبي تحمسني وانا نسيت كل شي نسيت الولاده ونسيت الدف وصرت اقول ما اعرف ادف خلاص تعبت مع رابع زحره ضبطت الدف بعد فشل ٣ محاولات والخامسه الا الحمدلله جات بنوتتي ع الساعه ٢ بالليل طبعا ذي الولاده بعد عشر سنين انقطاع للامانه ولادتها هينه حبيبة امها بالنسبه لاخوانها بس حملها كان متعب اكثر شي وكنت ادعي ربي يهون عليا ولادتي وتكون عكس حملي اللي كله تعب وثقل ووجع من نصايح اختي ليا تقول المشي لاتمشيه والرحم مو مفتوح تعب ع الفاضي ولاتفكري تاخذي اشياء تحمي الطلق ورحمك مو مفتوح وكمان لاتخلي احد يدف بطنك وقت الولاده يساعدك يعني لانه ممكن لاقدر الله ينفجر الرحم والله مارضيوا يدفوا معايا قالوا نساعدك من تحت بس نحاول نخرجها معاكي ودايم تقول ارتاحي واهدأي دام ماتعديتي الاسبوع الاربعين لاتقلقي والاهم لاتصدقي اختك لو قالت بتولدك لانه مايجيلها قلب تعورك والا تشوفك تتألمي 💔😩 وبس حبايبي الله يهون ولادتكم وعليكم بالدعاء وقراءة الفاتحه سبع مرات والزلزله بعد كل صلاة قلبي معاكم 💞

مساء الخير الله يسهل ولادتكم جميعا وللي ولدوا مبروك يتربوا بعزكم يارب انا متابعتكم من التباشير...

ساره بيسو :

مبروووووك واخيراً يله الحمدالله افتكيتي وعقبال ماتدخلين تبشرينا بولادتك

مبروووووك واخيراً يله الحمدالله افتكيتي وعقبال ماتدخلين تبشرينا بولادتك

كنز الحنان :

تخيلوا بنات موعدي الصبح رحت ورجعوني قالوا مافي سرير انتظري لين ندق عليك يالله خيييره ان شاء الله

تخيلوا بنات موعدي الصبح رحت ورجعوني قالوا مافي سرير انتظري لين ندق عليك يالله خيييره ان شاء...

غيوم ☁️ :

اكشن ولادتي بليله الاربعاء مانمت وسخنت زيت وحبه بركه وقريت عليهم ورد الولاده وتدهنت وحاولت انام ولا قدرت ويوم جت الساعه3قمت وجبت ماء وتوضيت وقريت سوره البقره كامله وورد الولاده وشربت منه وغسلت بطني وظهري وجوانبي وفخوذي وانا محسنه الظن بالله وصليت ورحت بنام واخذت نص ساعه والا يبدا الطلق واحس اني محشوره وروح للحمام وينزل بول قليل واستمريت ساعتين الا اتاكد انه طلق لان احسبشى يدف لتحت ورحت للمستشفى ويكشفون الا فاتح3 ومعي طلق قوي الا يهجد وقالوا تنويم المشيمه متكلسه وجلست لين الجمعه الظهر مامعي طلق وجت الدكتوره وفحصت 4وسوت تحريض قالت امشي ومشيت نص ساعه ورجعت ونمت وكل مااكل ارجع الاكل والعصر جاني زوجي والطلق كل 10دقايق وجلس عندي لين المغرب ويوم خرج كان الطلق كل5دقايق يقول اول مره اشوف وحده معها طلق كيف تتعذب منه😂😂وناديت الممرضه ونادت الدكتوره وكشفت قالت 4انزلي الكشك ونزلوني وهنا فتحوا موية الجنين وصار الطلق قريب من بعض وطلبت الكمامه واختفى الطلق ماعاد احس فيه الا لمى النونو يدف راسه ولمى فتح 10دخلوني غرفه الولاده وصرت ادف والنونو يدف لكن مارضى يطلع ونادوا الدكتور وصار يضغط على بطني لين ماطلع النونو الساعه12باليل مابكت بنتي وبعد 10دقايق بكت وسمعت صوتها وقالوا انها تبرزت وشربت من المويا اثناء الطلق طولت لكن مااعرف اختصر 😂

اكشن ولادتي بليله الاربعاء مانمت وسخنت زيت وحبه بركه وقريت عليهم ورد الولاده وتدهنت وحاولت انام...

فوانيس الخير :

‏. ‏ ‏اللهمّ يا مسهّل الشّديد ويا مليّن الحديد، ويا منجز الوعيد، ويا من هو كلّ يومٍ في أمرٍ جديد، أخرجني من حلق الضيق إلى أوسع الطريق ‏ ‏ღ❧ღ

‏. ‏ ‏اللهمّ يا مسهّل الشّديد ويا مليّن الحديد، ويا منجز الوعيد، ويا من هو كلّ يومٍ في أمرٍ جديد،...