** الــــحـــــــــــج **

سبحان الله

كنت ناوية أنزل موضوع أستفسرعن هالأمور

وأنا بإذن الله مثلك ناويه الحج ، الله يسهل أمري وأمرك يارب

لي عودة مرة ثانية

السلام عليكم

هلا بك أختي

بالنسبة للحملات عندك ( الإحســان ، مـكـة ، الهاشم ) خدمتهم ممتازة ، بالإضافة للندوات والمحاضرات التي تقام فيها

بالنسبة للأيام من ( 7 أو8 ذو الحجة إلى 13) وهذا الأفضل ( عدم التعجل )

الإستعدادات

أخذ تصريح الحج ، والظاهر إن الحملة تسويه لك

والتطعيم

الملابس :

طبعاَ لا يجوز لبس النقاب أثناء إحرامك

أنا عن نفسي راح أخذ ( تي شيرتات + تنانير + جلابيات ) أهم شيء تكون مريحة وخفيفة

وراح أحسب لـ كل يوم غياااار كامل ( من الملابس الداخلية إلى الخارجية ) وأزيد 3 إحتياط

وعدد 3 فوط للجسم ،ولا تنسين الشراريب كثري منها ، و ( كوتش ، بوت ) مريح في المشي

الإسعافات الأولية :

مطهر للجروح ، لصقات وبلاستر ، شاش ، مقص ، ومقص أظافر ، كريم للحروق

كريم لتسلخات ، مسكن لصداع والآلام ، خافض للحرارة ، شراب لتلبكااااات المعوية

فيتامين سي

هذ ا إلي في بالي الحين .................... ساعدتيني كثير أسوي القائمة

:)

اذا كنت بالشرقيه فما لك الا الحماد

السعر 7500 ريال

وهم يوفرون دكتورة اصلا ما يحتاج اسعافات الاوليه

بكم اسعار الاحسان ومكه والهاشم

انا الحمدلله حجيت واتمنى الله يكتب لي الحج هالسنة بعد
اول نصيحه اقولك لا تتكلمين ولا تسولفين واجد خلي هالايام المعدوده بس للعبادة والذكر وقراءة القرأن
ترى اذا رجعتي تقولين ياليت اني ماضيعت هالايام في السواليف
الحملة انا اشوف الافضل مكه والاحسان اسعارهم من 4000 الى 5000
الملابس طبعا العام كان فيه برد في الحج ومطر يعني خلي معك لبس ربيعي وثقيل شوي اذا لزم
والملابس الداخليه كثريها وخذي معك شورتات عشان الطواف والسعي
ثاني انتبهي للعطورات لا تجيبي معك كريمات معطره او شامبو او صابون عشانها من المحظورات الاحرام
خذي لك كوتش مريح وماسك في رجلك زين عشان مايطلع من رجلك في الزحمة مثلا في المرجم واذا طلع لا تدنقين تاخذينه لانهم بيوطونك
كريم الفولترين خليه معك عشان لو جاك شد او شئ
وبندول طبعا
خلي معك مثلا بعض البسكوتات الخفيفة يعني لو تجوعين او شئ في اي مكان تلاقين معك تصبيرة بذات احنا في الشتاء
العباية خليه قصيرة وواسعه وياليت تكون مسكره عشان ترتحين
اهم الاستعدادات الدعاءبالقبول وتيسير الحج وتهياءت النفس للاقلاع عن المعاصي لان هذا الشئ يريحك ويساعدك كثير
والتطعيم عن الحمى الشوكية
هذي الحقيقة خلاصت تجربتي في الحج اتمنى مانسيت شئ وبعد ماتنسيني من خالص دعاءك
والله يكتب لنا الحج المقبول يارب