مافيه غيره المسجد و نصيت المسجد ودخلت المشكله ماحناب حول صلاة فتحت المكرفون واذنت كلها ثلاث دقايق وايلاالمسجديخترش وجوك شياب الروضه كل واحد يدربي دمجته واللي يقول : هاذي من علامات الساعه ماعاد في الوقت بركه والثاني يقول:ايييييه ما عاد اهنا بين عشوين. حطيت يدي على خشمي تسني مرعف وانسحبت وقعدت اتمقل في الخيارات المتاحه من كنادر كلاركس وميلانو الى كنادر الخلطه ومن بين هالجيوش من الجزم تألقت نعلة باتا فريده من نوعها قالت لي بلسان الحال لا لسان المقال:ميلانو ايه اللي انتا قاي تئول عليه؟؟ لبستها وانحشت وانا اقول من هالدلخ اللي يجيب نعلة باتا للمسجد؟؟ انا نعلتي الباتا صاكن عليها في التجوري وما البسها الا في العيد أو اذا بغيت اسافر بالطياره المهم طلعت بالسياره وعبّيت التانكي وقمت بجوله بالسياره على ابرز الاماكن السياحيه في مدينة الرياض وقمت بالتقاط الصور التذكاريه معها من مكتبة العبيكان الى درة الملاعب مروراً ببوفيه سعيد ووزارة الداخليه وفوال الافراح المهم مع الدوران طحت في شارع اول مره اشوفه زحمه والعالم على رجليهم يمشون وينادون بعض باسماء غريبه فادي, مصطفى,ألفت,جهاد و كله عماير و تفوح منه ريحة الثوم واطلع دليل الرياض السياحي من الدرج والقاهم كاتبين (شارع الخزان - ابوشكيم تاون) دنّقت ادور شريط احطه في المسجل ما لقيت شي زين واشغل الرادو ما دريت الا اصوات بواري:طاط طاط طاط بيب بيب ارتبشت وقعدت احذف بالسياره يمين ويسار احسبني حاد احد وقفت على جنب التقط انفاسي من الروعه ويجيني جندي مكمّل باللبس الجديد والصديريه الفسفوريه ام لمبات خفت وش ابقول له؟؟ قال: معك اشتراك؟؟اللمبات اللي في الصديريه عيّت تشتغل شكل يبيلها اشتراك قلت: لا والله ما معي و طلعت من الشارع وجيتك راجع للبيت وانا اتعوذ من بليس واقرا المعوذات والله وتولع علي لمبة البنزيم ,وش السالفه؟؟؟ توني معبي فُل سفطت عند نفس المحطه اللي عبيت منها اول مره مادريت الا الهندي يطق علي الدريشه اشرت له باصابعي عشره ريال طق الدريشه مره ثانيه ياوالله ابو هنود اللي ما يفهم فتحت الدريشه وقلت له عشره ريال ناظرني وقال: انا معلوم عشره بس ترى موب حلا (حتى الهندي يعرف ترى موب حلا؟؟؟) صراحه قعدت افكر وش السواة في هالبنزيم من يوم شالوا الرصاص وهويطير طيران وواحد مثلي يحب السياحه بيتعب ماش لازم اشوف دبره تخليني اقعد ولا اطلع . قعدت ادوج وانا افكر في حل للوضع الراهن ومن سكه لسكه ومن شارع لشارع لين الهمني الله الحل من حيث لم يخطر لي ذلك على بال (عشان تعرفون انها تجي على اهون سبب) فكرت اني اتزوج و ............... انتظروا البقيه

هلا ذكرى :::::::

ياحليله إتورط ذا مع أمه والحريم :::::::

والله حرام يعني كل ماجاء عندأمه حريم طردته من البيت ::::

ياالله كمليلنا الباقي ::::::

تكفين يا ذكرى كملي الباقي وكله كوم وكنادر الخلطه كوم لكن وش الخلطة ذكرى:)

حلوة منك يا ذكرى ..........كملي بس ....لا يصير مسلسل مكسيكي ما يطيع يخلص

<FONT color="#FF0704"> هلا شيوخ تسلمين عيوني بس شكل محد متابع مسلسلي الأ انت </FONT>
<FONT color="#FF370B">اهلين فراشة ربيع مشكوره حياتي على الرد واذا تبين تعرفين وش معنا الخلطه اسألي الرجال لأني بالعربي ما اعرف معناها </FONT>

<FONT color="#FF6C01">هلا وغلا بنياره تسلمين عيوني على ردك وابشري ابكمل المسلسل بس الله يعينكم عليه لأنه اخوا المكسيكي </FONT>