اهلين بنات كيفكم؟
انا صراحه بفتحلكم قلبي والله اني ترددت مليون مره قبل مااكتب الموضوع لي تقريبا اسبوعين اكتبه وامسح وهالمره قلت خلاص بكتب يمكن القى حل انا ادري هاذا مو مكان لموضوعي بس بما انه مكان للبنات اكيد بتحسون فيني اكثر من الاقسام الثانيه
انا من طلعت على هالدنيا وانا اسمع كل اللي حولي يقولون هالزمن مافي شي اسمه صداقه واللي تقول الحين الدنيا مصالح واللي تقول الصديقه معك وقت منتي قريبه منها ابعدي وتنساك وااللي تقول الصداقه بس بالكتب والمسلسلات ماعاد فيه الحين شي اسمه صداقه واللي تقول واللي تقول ....اكيد سمعتو زيي من هالحكي
ومع الاسف انا حطيت هالكلام كله فبالي وصرت كل مااتعرف على بنت مهما كانت طيبه وعسوله مااحاول اكسبها ابد يعني علاقتي معها سطحييييييه مره كل هاذا لاني ماابي اتعلق فيها وانا عارفه ان هالزمن مافي شي اسمه صداقه اروح المدرسه اضحك اسولف ارجع البيت ممكن رسايل بس مافي علاقه مره متعمقه مهما طالت المده
ومرت سنين وانا كذا على هالحال بثالث متوسط حسيت ان تفكيري غلط وكان معي شله من رابع ابتدائي معي وحده منهم للحين على اتصال معي بين فتره والثانيه وهي طييبه مرره حاولت ادخل فيها وفعلا ارتحت لها وارتاحت لي وصرنا مرره مع بعض باولى ثانوي بعدت كذا بدون سبب بعدت ولا صارت ترد على مكالماتي حاولت اعرف السبب تخيلو بعد مده وانا احاول اوصلها قالت (( مابي اتعلق فيك مررره وبعدين الزمن يفرقنا)) بذمتكم هاذا عذر ؟:mad:
وضاقت فيني الدنيا وتعبت نفسيتي مرره وقلت يالله درس لي ولازم انتبه واقتنعت ان هالزمن فعلا مافيه صداقه بثاني ثانوي جت بنت لفصلنا كانت جديده مو بس عالمدرسه الا عالرياض كلها كانت بجده وجت للرياض عشان شغل ابوها وبالصدفه صارت معانا بالشله حسيت انها طيبه وامها كم مره كلمتني وحاولت تتعرف على امي وفعلا البنت عسسل بنهاية ثاني ايام الاختبارات قلت لها بقولك شي بس وعد بيني وبينك قالت اوك قلت فلانه وحده معانا بالشله انتبهي منها وخلي علاقتك سطحيه (( انا اعرف البنت الثانيه عليها حرركات ومن اللي يطلق عليهم صديقات سوء)) انا حبيت انبهها لانها ماتعرفها وايش اللي صار بعد كم يوم جتني البنت تهاو شو سوت سالفه ليش تقولين كذا رحت لصديقتي وقلت ليش قلتيلها قالت سامحيني غصب عني قلت وشو اللي غصب عنك وقعدت تصيح قلت اوك ماصار شي بس كل وحده بطريق وانتهى اللي بينا جت ثالث ورحت مدرسه جديده وتعرفت على شله هناك وعسسسسسسسسسسسسسسل ماحسسوني اني جديده عليهم ابد وهم صديقات من المتوسط فرحت مرره قلت دامهم من المتوسط مع بعض اكيد وفيات لبعض والدليل انهم للحين صديقات المهم خلصنا ثالث وكانت احلى ايام حياتي وانقطعت علاقتي فالخمسه ماعدا ثنتين والحين لي سنه ونص مخلصه ثالث وللحين معهم بس تدرون ايش المشكله؟
المشكله اني عرفتهم زين وعرفت شخصياتهم وحده من النوع اللي وقت الوناسه والضحك تلقينها بس وقت ضيقتك مادرت عنك والثانيه راحت بجامعه ثانيه مو معي اذا تعرفت على وحده عجبتها ومن طابعها سحبت علي شههوووووور وترجع تدق وتكلمني كل يوم وترجع زي اول واذا تعرفت تسسسحححب:09: يعني بالعربي ممكن باي لحظه يبيعونك
الحين انا بثالث جامعه يعني لي سنه ونص ادرس تعبت وربي تعبت احس اني وحيده مافي احد معي محتاجه صديقه محتاجه شخص احس ان قلبه علي ومو ماخذيني عشان السوالف والضحك والطلعات والوناسه يمكن يابنات تقولون تبالغين بس ورب الكعبه اني اكتب وانا خانقتني العبره والله :( اعاني صرت اخاف من كل بنت اتعرف عليها
واذا شجعت نفسي ودخلت فيها القاها ماخذتني لمصلحه واللي تدرس الحين بالجامعه بتعرف طبع بنات الجامعه وشلون مستحيييييل تاخذك صداقه بس تجلس معك وقت البريك اذا ماحضرت حضري بدالها اذا غابت علميها فيه اختبار ولا لا او اكتبي المحاظره عشان تنقلها منك بس اتعبي يوم او اي شي والله ادرت عنك لو تموتين:44:
والله اني ادعي ربي دايم اقول ياارب عرفني على بنت تقدر الصداقه وتوقف معي بالحلوه والمره وتدوملي طول العمر اتمنى عندي صديقه تحس فيني واحس فيها تفرح لي وتحضر زواجي وتفرح لاجبت عيال ومن غلاها اسمي بنت عليها آآآآآآآآآآآآآه وش اقول وش اخلي :(
لو اتكلم من اليوم لبكره مااوصل شعوري لكم بس حبيت اتكلم وافضفض يمكن القى عند وحده كلمه تريحني وتهديني او دعوه من قلب وحده جربت اللي جربته
نـوفـا @nofa_17
محررة
يلزم عليك تسجيل الدخول أولًا لكتابة تعليق.
علم حواء
•
والله انا مثلك واطيب انا صديقتي اهها يسكرون السماعة في وجهي بس سنة كاملة تحملت الاهانه عشانها ادق وادق ويسكرون اقول لنفسي يمكن جابرينها وادق اقول يمكن يكونون طالعين وترد انا ماسويتلها شي قطعتني والثانية اعذارها ماتخلص ماتدق ولاتسال واحيانا تتعذر اعذار بايخة مثل ابطبق ملابسي ابسوي كيكة بالله هذي اعذار؟؟؟؟؟من جدك مااااااااااافي صداقة هالزمن لكن وقت الثانوي والمصالح لاني كنت شاطره شوفيهم اتصالات وسوالف احيانا تدق الفجر لما يكون عندنا امتحانات والحين لو ادق عشرة ونص تقول اهلي مايرضون اكلم متاخر ليش ايام المصلحةو يرضووووووووووووووووون يووووووه الله لايكتبها علي غيبة بس حابة ابين لك اني مثلك وان الطيبة انتهت هذي وجهة نظري الي بتقولي متشائمة خلتقول كيفها الناس كذا شئتم ام ابيتم
الصفحة الأخيرة
واذا تبين نصيحتي لاتخلين هذا الموضوع يشغلك وكل شخصيه تمر عليك تختبرينها بطريقه او بأخرى..
ومن اي غلطه تحسين انها مو صديقة العمر..
وافضل انواع الصداقه واقربها من وجهة نظري الاقارب..يعني بنت خالك بنت عمك بنت عمتك بنت خالتك..
او من جماعتكم صدقيني انا اشوف انه هذي هي الصداقه الحقيقيه..
ودعواتي لك بالسعاااااااده وراحة البال..