الله المستعان

90 % من الي عندنا نصب ولعب في الاسعار
فرق كبير بين الاسعار عندنا في الماركات واسعارها بره في امريكا وبريطانيا الي تعتبر غاليه
صرت اريح نفسي واطلب لي من برا ارخص واضمن بعض ملابس اكسسواريز تباع في سيتي ماكس بربع السعر
زارا لما نزلت مكرمه الراتبين رفع بضاعته شي بسيط يمكن 5 ريال بس اسم انه رفع وضامن مااحد بيحاسبه لان للاسف لاحسيب ولارقيب
والعطور كل الي عندنا لا فيسز ولا دبنهامز كلها تعبئه دبي فرق كبير جربت اشتري عطر من برا ونفسه العطر عندي من احد هالمحلات الموجوده عندنا
العطر الي طلبته من برا بخيته على قميص وخليته في الدولاب بدون مبالغه اكثر من اسبوع والريحه فيه وقويه ماخفت حتى
اما العطر الي من هنا مايكمل كم ساعه الا الريحه راااااااحت

حبوب التخسيس على سبيل المثال احد الانواع طلبتها تجي 6 علب بسعر معقول جدا جدا ولقيت يبيعونه عندنا العلبه الوحده بسعر الست علب !!
زبده الشيا اطلبها من برا اكبر حجم بربع السعر الي تباع هنا مع الشحن لاحظي
وهنا يبيعونها بااسعار كبيره والمشكله البنات مصدقين ان هذا سعرها وهي غاليه مايدرون انها رخيصه مره


اما التاجرات ف الله يهديهم خاصه الي يبيعون ملابس وشنط صينيه لانها برخص التراب في الصين
على 5 و10 و20 و30 ريال ومع هذا يبيعونها دبل خمس مرات واكثر المشكله ليت الجوده زينه والله ماتسوى ريال
غير القرابيع الثانيه الي يجيبونها من مواقع صينيه يجي الـ 100 و200 حبه بسعر زهيد جدا وتبيعه بشي خيالي
صراحه انصدمت لماشفت اغراض بمواقع صينيه يبيعونها هنا بااسعار خراااااااااااافيه مااقول كبيره لا خرافيه
من الاشياء الي تضحك وتخليك تحسين انه فعلا فيه استغلال ونصب وجشع مقوم الانف طلبته من برا ب 5 ريال ونوع ثاني بثلاث
ولقيت تاجره تبيع الحبه ب 100 ريال متخيله كميه النصب !! والله العظيم نفسه مايفرق شي واحد
لاتجي وحده تتفلسف وتقول شحن وشحن الشحن اي تاجره بتجيب كميه كبيره فالشحن يقل مره



فاانصحك اي وحده قبل تشتري اي شي سوا من محلات او تاجرات تبحث عن الافضل والاقل ولاتستعجل مشكلتنا اذا شفنا السعر غالي قلنا اكيد زين وجودته زينه

وانا اقول ليش اخد بعض الاغراض الي على قولتهم ماركه وتتمغط علىىىى الاخر

مشكــــــــــووورين اللهـ يعــطـيكم العـآفيـهـ ع ردودكم ويسعدكم يـــــــــآآآرب وجزآكم اللـهـ خــير

حسبنا الله ونعم الوكيل على كل من يختلس آموال الناس بغير حق
هالآشياء تندرج تحت الغش
من جد هذولا مايخافون الله