يا جماعه والله متى بودر هالعاده الشينه :09: يعني مستحيل اروح السوق وما ادخل محلات المكياج صدق حريم :42: ..
عموما اليوم رحت باريس غاليري وفورايفر .. حبيت اروايكم شو اشتريت ..
من فورايفر :
خذت الستار باودر لكن قبل ما اشتريهم جربتهم فيني مع ان الوانهاا روعه بدون ما اجربها ..وفعلا خذت درجتين من اللون الوردي واحد وردي فاتح والثاني ياي على مووف وخذت شدوو لونه ياي على وردي مع برتقالي .. :icon28: خخخخخ ماعرف شو يسمون اللون
وخذت منهم البودره اللي فيها لمعه روعه روعه روعه تنحط على الوجه او بالاخص على عظمه الخد والانف .. طبعا حطيها فوق البلاشر طلعت روعه تعتبر اخر touch... واخر شي فرشاه الايلاينر ..
وطبعا قلت عشان تشوف الالوان واضحه حطيتهم على ورقه بيضه بس والله الاضاءه ظالمه الالوان .
بعدين شديييييييييييت رحالي الى باريس غاليري .. طبعا عيبتي وايد اشياء لكن اجلتهم لبعدين خصوصا من غيرلان خخخخخ .. وينها ميك اب ارتست تشم ريحه غيرلان من بعيد ..
وانا اتصفح النت شفت موقع بورجووا عيبتني الوان الشدو اليديده .. وخذت تقريبا كل الالوان الموجوده الا لون واحد ما عيبني وايد .. وخذت معاهم اساس happy light .. على الرغم عندي كريم اساس واحبه وايد واستخدمه كل يوم اللي هو بودي اند فيس فاونديشن لكن اذا مليت البديل موجود لكل يوم خخخ .. وخذت اقلام العيون الميتاليييييييييييييك روعه يا جماعه ورخيصه ... وخذت البلاشر اللي دايما اخذه من عندهم رقمه 33 روعه ياي على مشمشي وعلى روز ..
وهاذي الالوان على الورقه البيضه ترا الاقلام فيها غليتر فضيع على الطبيعه احلى ..
واخيرا وليس اخرا يمكن تكون الغلوسات جديمه بس بالنسبه لي يديده خذت هالغلوسات الروعه lip palm gloss من Pout وميزته ان ثابت وطبيعي وينفخ الشفايف وطعمه حلو .. بالاضافه لمرطب الشفايف lip palmومعاه حصلت الغلوس الميداليه ..
وسلامتكم ..