السلام عليكم ...
خواتي من جد حاسه باحباااااط مع اني انسانه ايجابيه للغايه بس جد الضغط اللي صار لي احبطني .. بقلبي كثير من العمل بس ببدى من الاخر والاهم
اليوم بلغوني الاداره ان الموجهه بتحضر لي الاسبوع الجاي بتقولون طيب شي طبيعي .. بس انا ادرس تمهيدي انقليزي وغير كذا تخصصي ادب انقليزي وخريجة اداب مو تربويه ومطالبه بتحضير واشياء مالها اول ولا اخر وني متخرجه يعني مافيه خبره
الترم الاول مشيت حالي بدون دفتر تحضير وكنت ابذل كل جهدي لانها امانه بس ضغط مو طبيعي علي ماشاء الله التمهيدي عندنا مره كثير 11 فصل وكل فصل ماشاء الله فيه اكثر من 22 طفل انا لحالي ماسكه 8 فصول يعني 200 طفل بمعدل 3 حصص اسبوعيا لكل فصل وماتكفي ابد الطفل محتاج استمراريه مايمدي يحفظون اليوم الاول واتركهم يوم واللي بعده القاهم نسوا وقاعده اطالب يخلونه يوميا ولا زلت احاول .. الله المستعان
المهم المعلمات الخبره قولولي وش اتصرف وش اسوي في هالوقت القصير قبل الموجهه
من جد محتاجه احد خبره ابي اكون راضيه عن ادائي مو للموجهه بس لنفسي كل اللي سويته مجهود واجتهاد ذاتي مني
ومشكورين سلفا
اللهم لك الحمد كما ينبغي لجلال وجهك وعظيم سلطانك
~ إبتـســامة رضـا ~ @abtsam_rda
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
http://forum.hawaaworld.com/showthread.php?threadid=216703