هلا وغلا بالجميع والله ياحبيبتي اول مره اسمع هالكلام وانا بنتي جلستها فيها في الاسابيع الاخيره من الشهر الخامس والحين في شهرها السادس وبسم الله عليها تمشي فيها وتروح وتجي ولا فيه مشاكل وبالعكس الدكتوره الي ارجه عندها نصحتني في تجليس بنتي توكلي على ربك والي الله كاتبه لطفلك راح يجيه والله يخليه لك ويكتب صلاحه

عزيزتي اللي يقولون تقوس قصدهم من سوء الاستخدام .. لأن المشاية الواطية مرة هي اللي تسبب تقوس

يعني مو المشاية تتعلى وتتوطى ؟ أنت إذا خليتيها واطية مرة تضطر بنتك تضغط بقوة على رجليها وهي لسه طرية فتسبب تقوس لكن لا أنت في البداية خلي أطراف رجليها هي اللي تمس الأرض عشان ما تضغط ومثل ما قالوا الأخوات بالتدرج يعني أول شيء مدة قصيرة وبعدين شوي شوي طولي المدة .. وأنا مو بس عيالي الأثنين لا كل أهلي المشاية شيء أساسي من أغراض البيبي ( حتى انا أمي مركبتني مشاية ) والحمدلله ما فينا إلا العافية :26:

اهم شيء لبسيها جزمه او صندل بس يكون خفيف ومريح اقصد نوعيه كويسه عشان مايضرها بعدين زي ماقالو بالتدريج ولا تحاوين تخليها تطول لانك ممكن ترتاحين وتتكيسلين انك تشيلينها لانها مريحه للام بعد انا بنتي اذا خليتها بالارض تحوووووووووس وكل شيء بفمها بس المشايه اريح لي ولها وهي تنبسط وتشااوط من ركن لركن بس انتبهي للاسلاك والنباتات لو كان عندك


اسفه على الاطاله بس قصدي احرصك شووي

بنات حواء العزيزات انا ركبت اولادي الاثنين في المشايه وفعلا لما صارو يمشو كانت مشيتهم مم طبيعيه 100% والكل لاحظ الحمد لله الكبير تعدل بس الصغير مازال في مشيته ملاحظه. الان بنتي عمرها 8شهور وماححطيتها سألت الطبيب قال لي بصريح العبارة ممنوع لانها تقوس الارجل.وانا محتاره احطها والالا لان بنتي مغلبتني كل شي ففي فمها خاصة وانها تحبي فماشاء الله منظفه البيت مانحتاج نكنسه وكل شوي استفراغ وانتو بكرامه من هاالاشياء التي تاكله وما ادري ايش اسوي؟؟؟؟؟؟؟؟ان منعتها من الحبو تقعد تصيح ولازم تاكل شي اي شي على الفم على طول:26: دلوني جزاكم الله الف خير

اول مرة اسمع ان المشاية خطرة انا استعملتها لاولادي و ما شاء الله عليهم و اهل زوجي كلهم و اهلي كلهم وجيراني ما شوفت او سمعت انها تقوس الرجل