الـمـجـتـمـع الـحـضـاري ♡ + بالصور ..

معاك يا اختي في كل كلمة
المجتمع ماشي للتفتح والعلمانية وقاعدين يظهرو في الاعلام البنات الي مو مهم عندهاالحجاب كيف يكون حتى لو نص شعري باين المهم النية الطيبة !!!
موقف مريت فيه وفزعت من الوضع الي حنوصل له لو سكتنا عن الامر بالمعروف وتبيين شرع الله
وانا اتصفح الفيس بوك طحت على صفحة قروب تطوعي في مكة اسمه"بسمة جود"
فرحت بيه وعلى طول ارسلت لمديرة القروب اني ارغب في الانضمام لهم
واتصلت علي وقالت الاجتماع في فندق جنب الحرم!!
طبعا زوجي عصب علي وكيف اروح لفندق ومكان مشبوه ماتدخله وحدة تخاف على سمعتها
وانا واثقة انو القروب بنات يبغوا يشغلوا وقتهم في شئ يفيد
الى المفاجأة والطامة انو بعد الاجتماع الي صار نزلوا البنات صورهم متلثمات ومنظرهم لا يرضي الله ..وشاف زوجي صورتهم في الفيس بوك وكتبلهم كم كلمة يناصحهم فيها وحذفوها
وطبعا نسيت الموضوع اني ادخل معاهم
بس ليش وصلنا للحالة دي مجتمعنا قاعد يبعد عن رضا الله والسكوت حيزيد غضب ربي علينا
يا اخوات قلت لكم اسم القروب عشان تناصحوهم حتى نعذر امام الله يوم الحساب

لاحول ولا قوة الا بالله العظيم
الله يطيّب قلوبنا ويصبرنا ويعوضنا عن هذول البنات ببنات صالحات ياااارب
الموضوع كل ماله يزداد سوووووء
هذول البنات ما يخافوا من ربنا لما يلبسوا كذا !!!
شوّهوا المجتمع بلباسهم - الغربيات حجابهم احسن مننا مليون مرة
ويتحجبوا وهن فخورااات به
وبناتنا للاسف ياحسسسسرة علينا وعلى خلفتنا
ما اعرف اذا لبسهم هذا يسمى حجاب والا لا ... !
ايش لزومه هذا اللبس !!!
ليش يتغير الحجاب وكل ماله ينقص لحد مايصير فستان
بالله عليكم زمان كان فيه اللباس اللي دحين !
مين اخترعه اللي دحين ؟!
وليش اخترعه ؟!
والى متى هذا المخترع بيستمر في الاختراع ؟!
واحنا الين متى نتشخلع ؟!!!