صدرت اليوم مقترحات وزير العمل للفئات التي سيتم إستثنائها من نظام حافز
مع ذكر المبررات المقنعه لإستبعادهم وسيتم رفعها للملك للنظر فيها
أولاَ_ المرأة المتزوجة (أقول تراك غثيتينا تبين راتب من الي قا لك تتزوجين كان قعدتي فبيت أبوك يعني إنتي تنبسطين وحنا نبتلش بمصروفك لعن أبو داره زوج ما يصرف على زوجته تطلقي أحسن والدولة تعطيك ضمان)
ثانياً_ الي تجاوزت أعمارهم الثلاثين (يعني إنت عمرك ثلاثين ما جاك إلا العافية ويوم سمعت بحافز طمرت
تبي إعانه أقول مثل ما دبرت نفسك الثلاثين الي مضت دبر نفسك الي بقى من عمرك راح الكثير وما بقى إلا القليل أصلاً وش عاد تبي بالفلوس يالشايب)
ثالثاً_ الذكور اللذين تتجاوز أوزانهم الثمانين والإناث اللآتي تتجاوز أوزانهن الستين (طيب لو إنكم مساكين وذابحكم الفقر من وين جت هالشحوم أدري بتقولون من البطالة والقعدة ليش وش فيها شوارعنا ما تهيتون فيها
ما أدري كيف صايرين هالسعوديين ما عاد قاموا من على ظهوره إلا بفلوس)
رابعاً_الخريجين والخريجات اللذين مر على تخرجهم أقل من خمس سنوات ( يعني تبون نساويكم بالي لهم سبع وثمان وعشر سنين ليش حنا ما نخاف الله)
خامساَ...الشباب والشابات ألي في بيوت آبائهم (ليش وين راحت الأبوة والشعور بالمسؤؤلية تخلفون وما عاد تصرفون عليهم ليش الدوله خلفتهم ونسيتهم)
وبعد كذا الي في أمه خير يقول يبغى منا إعانة ....قال إيش نصرف لكم وإنتم نايمين ما باقي إلا هي ...
طبعاً الموضوع دعابة عن الحركات والطلعات الي يسحدثونها الوزراء للتهرب والتملص من قرارات الملك حفظه الله وكل يوم طالعين لنا بفنه جديدة ولا أتعجب أن أرى مثل هذي القرارات من أحد الوزراء لأن من أمن العقاب أساء الأدب
وكلام الملك كان وااااااااااضح (صرف إعانة لاتقل عن ألفين ريال لمدة عام كامل للعاطلين والعاطلات حتى تتوفر لهم الوظائف المناسبة)
ونحن نطالب بتنفيذ قرار الملك وليس قرارات وزير العمل الله لايسامحه
مخضبة الكفوف @mkhdb_alkfof
عضوة فعالة
هذا الموضوع مغلق.
بوتيك مودرن
•
الله يعين
زائرة
•
معقووووله
الله يعينالله يعين
الحين انتي صادقه ولا مزحه من الفجعه ماني قادره اركز في كلامك لاني حااااسه الاولى بيقولونها :(
الصفحة الأخيرة