الفائض من الطعام وحده تقول نحطه

الله يستر احنا كمان نعلقه على الزباله وان شاء الله على نيتنا يارب لاتواخذنا

احنا نوكله للارانب والطيور والدجاج

انا فعلا مستغربة من سالفة الطعام الفائض
احس اني كنت عايشة بمجتمع غير وتوي استوعب
كذا موضوع يمر علي والناس كاتبة فيه انها تتخلص من الاكل الي يزيد وتروح ترميه وعشان تريح ضميرها تعلقه برة !!
انتم ما تاكلون الاكل الي يزيد عندكم ؟ ما تتعشون عليه ما تتغدون عليه ثاني يوم ؟؟ ما تحطونه بالفريزر لو كمية كبيرة وتاكلونه بعدين ؟؟؟
اكل مو خربان وجديد ليه يترمى ؟ اكل صالح للبشر ارميه برة بعز الحر والتراب واقول خلاص ارضيت ضميري !!
خاصة اصلا لو زي ماتقولي بقي قليل خلاص ينوكل كلها لقمتين وش داعي يترمي !


ماعرف هل انا اتربيت غلط ولا المجتمع غلط ! ببيتنا ممنوع اكل زايد يترمي يناكل عالعشا او ثاني يوم ولو كمية ثاني يوم ماينطبخ اكل جديد الين يخلص القديم !
هذه نعمة ودام صالحة للاكل الطعم مابيتغير خلال يوم !
واذا مرة مرة محد بياكله يترتب وينعطى بيومه لحارس لسواق لعامل بشكل مرتب مو يتعلق بالباب مجهول المصير !
انا تربيت انه كسرة كسرة خبز ممنوع نرميها حتى لو الخبز يبس نستخدمه للشوربة للكفتة لأي شيء لكن حرام يترمي دام انه فقط ناشف لاغير!


بقايا قشور الخضار والفواكه مافيها مشكلة برميها لانه ماينفع الانسان يأكلها ممكن تنفع للي عنده حيوانات زي الغنم او يستخدموها سماد لكن هذه عادي تنرمي

ايه بس الي ساكنه في شقة وما عندها سطح ولا حوش وزوجها متشدد وكلمته هي الي تمشي وش تسوي

الخبز جمعوه وارموه كل اسبوع عند الغنم اذا عندكم احد عنده او الطيور عند البحر اذا عندكم بحر