انا زوجي اكبر مني ب 12 سنه صح انه يكون ثقيل وما يحب المخفه لكن الحمدلله تأقلمت معاه .. وانا اصلا طبعي هادي وجدا مسالمه ..

احم احم...

زوجي اكبر مني ب 15 سنه والحمد لله مبسوطين ولكل شيء طبعا ميزات وسلبيات يعني لا فكاك من النقد...

وانا ياطويلات العمر اسمن من زوجي ب 15 كيلو عاد لازم عشان يصير تعادل

وهذا الشيء الوحيد اللي مضايقني انا وزني مثالي لكن زوجي هو النحيييييييييييييييييييييييف

اااااه

أهلين

انا بيني وبين زوجي 9 سنوات ..انا عمري 24 وهو 32 والحمد الله احس اننا متفاهمين حاليا(لإننا تونا في فترة الملكة)صحيح نظرته للامور غيري تماما ونختلف في بعض وجهات النظر بس احس انه شيء عادي واختلاف وجهة النظر من تجربته بالحياة وخبرته وظروفه وصحيح احس ان فكرته عن المجتمع والحياة والناس غيري تماما هو ينظر لهذة الامور اكثر مني ويدقق في امور المجتمع وهذا شوي يضايقني
بس احسن شيء يعتبرني صغيرة ويقول اصبر عليك لين ماتكبرين وتفهمين



وانا اشوف ان احسن شيء يكون الفرق من 6 سنوات الى 15 سنة لان المرأة تعجز قبل الرجل نظرا لبنيتها الضعيفة والحمل والولادة والهرمونات

وبعد الرجل يحب يصير سي السيد في البيت ويحب يشوف حرمته معتمدة عليه وماتكون ند له فإذا كانت في عمره حس انها ند له في اغلب الامور

وبعدين لما الرجل يكون من 28 وفوق يكون قد المسؤلية وقد تلبية طلبات البيت والزوجة ويكون يبي يستقر فعلا ويبي يترك حياة اللعب(طبعا هذا الغالبية مو الكل)لان فيه شياب فوق الاربعين وطائشين

هذي وجهة نظري الشخصية:02:

بيني وبينه 15 سنه

وعلى قولة غلو ... يدللني لاني في نضره صغيرة
وميزة ثانية انه يصبر علي ويعذرني في بعض التصرفات ....
واذا تصرفت تصرف حسن ... يحس انه ما فيه اعقل مني لأنه يتوقع ان اللي في عمري متهورات
الصراحة انا انلعب علي في مسألة العمر يوم الزواج .... بس كان هالشيء والحمد لله لصالحي

اخواتي جزاكن الله خير
قال الرسول بمامعناه من اتاكم من ترضون دينه وخلقه فزوجوه
ماقال العمر ماقال المال
عادي شوفيها اذا تقدم رجل اصغر منج بسنه او2 او3
عادي صح ؟