بارونة منسية @baron_mnsy

محررة برونزية

الفار .. مين من يتمنى يقضي علية... أنا قضيت علية ...

السلام عليكم .. كيفكم يالشقرديات السنعات ...
قضيت على فاره مع عيلتها الكريمة .. الأم وخمسة من عيالها في خلال ثلاث أيام فقط ...
يمكن ما تصدقون .. بس والله حقيقة وواقع أفتخر فية ..
بيتي نظيف ولله الحمد ..بس عندي مشكلة .. حبيت اهوي قسم المخزن المطل على الحوش فخليت الباب مفتوح على الحوش ونسيت منة ليلتين ..
في خلالها دخلت الفارة وإختارت اماكن دافية تحت الفرن ... وبما إني ما أخاف منها صلحت عليها حملة إبادة ..وما بقيت شي ما جربتة ..سم .. صيادة ..ما فية فايدة..
في الاخير جاب زوجي صمغ للفيران اسمة...
(قطار العائلة )... كرتونة حمرى ومكتوب بالأسود قطار العائلة ...
ما أعرف انزل صور ...
المهم تعمدت اسوي عملية تجويع للعايلة الكريمة وانظف المطبخ بشكل دائم من المواعين وبقايا الاكل .. وحطيت الصمغ على كرتونة سميكة وعليها قطعة نقانق .. نية .. وحطيتها على مكان سير الفارة ..وتركتها ..
والحمد لله مسكت كلها خلال ثلاث ايام ...
وبهاذا حبيت افيد الاخوات عن هاذا المنتج الي من سنت جدتي ..
فعلا قديمك نديمك ولو الجديد أغناك ..تحياتي ..

يلزم عليك تسجيل الدخول أولًا لكتابة تعليق.

تسجيل دخول

((حنان الحلوه)) • 13 سنة

الله يعطيك العافية

wasn1999 • 13 سنة

جزاك الله خير
وين ينباع الصمع انا ماحصلت الاالاصفر

مزون مكه • 13 سنة

ماشاء الله عليك ماتخافي لو تشوفيني وهي عندي اقلب صافرة انذار من الخوف والصراخ بس الحمدلله انك ارتحتي منها,,,,,,,,,,

احنا كل ماصار بناء بيوت اوعمليات حفر في المنطقه لأغراض الكهرباء والمويه والهاتف طلعت الفيران علينا بالهبل بس الحمدلله الصمغ يجيب نتيجه معاها اماالسم مافي فايده فيه ,,,,,,,,,, والله يعين على حملات الأباده الجماعيه القادمه لأنهم شغالين حاليآ في حفريات جنب البيت,,,,,,,,

بطاطه • 13 سنة

احلى يابارونه والله انك شجاعه
ماشاء الله تبارك الله

بارونة منسية • 13 سنة

حياكم .. نورتو موضوعي
الاخت وسن 1999ينباع في كل سوبر ماركت بس الي جابة احمر .. اول مرة ادري إن فية اصفر ...
بطاطه .. يامرحبا الف ... إية قلبي ما يجيبها الا رجالها قصدي حريمها ..
حسيت نفسي القذافي .. وانا ابيدهم ...الله لايردة ..
وعلى فكرة فعلا ما جتنا إلا من الحفريات فانتبهوا قفلوا البيبان لانة تدخل ما حد يشوفها ..