الفاضية بس تدخل

صبحكم الله بالخير من اشوفكم قاعدات هالوقت واضح فاضيات بس كنت افكر و افكر و طريتوا ع بالي قلت اشوف شالوضع🤭
اولاً مبارك عليكم ماتبقى من الشهر و ثانياً الله يقبل صيامكم و قيامكم و صالح اعمالكم 😘
ثالثاً كل عام و انتم بخير و الله يبلغنا وياكم فرحه العيد و لمة الاحباب و حنا و من نحب بصحة و سلامه و يعيده علينا و على المسلمين بخير يارب العالمين ❤️❤️
موضوعي اللي محيرني تافه بس بسال ههههه انا اهل زوجي بمدينة و اهلي بالمدينه اللي انا ساكنه فيها ، المهم زوجي بديهي يبي يعيد عند اهله ان شاءالله و الحمدلله ما يقول لا و يزعل و كذا لانه اصلاً عيدهم عائلي و احس لو انا بكون موجوده بيصير سفرتين و شغله و اذا مو موجوده كلهم يتجمعون مو اكيد بس ممكن هذا نظامهم بالعيد لانه قبل كان اجتماعات و استراحات احين بطلوها و اهلي يعيدون بقرية طبعاً شتان بين عيدنا و عيدهم اهلي صح ماعندهم اطفال بس كل نص دقيقه جاي كم بزر و يلفلفون الحاره 😍 و لا تشيلين هم لا أسفلت و لا سيارات ولا خطف باذن الواحد الاحد كل اللي حولنا قرايب و ولدي توه اللي كبر و احس بإذن الله يمكن يفهم العيد وفرحته بس بالقرية ذي فيها عيال اخوي و بزارين خواتي و عيال عمامي و شله بززارين تبارك الله الله يحفظهم ، و احس العيد معهم احلى اما اهل زوجي ماعندهم لا بزران ولا شي و حريم عيالهم يجون من بعد ١١ و كل وحده تعايد عند اهلها بعدين يجونهم انا استانس صح بس كزيارة و جلسات دايم اروق عندهم بس عيد والله ماحس بجوه لان محد يجي بالصبح جوهم غير جونا ، السالفة مش مقارنه بس صدق انا وقتها وش استفدت من العيد هم اهل و يعايدون بعض و الإخوان يتجمعون وحريم العيال شايفين اهلهم قبل و جايين ع وقت نومتنا احب اهل زوجي و الله و اعتبرهم زي اهلي بس مافيه زي عيد الديره و اللي مجربه بتعرف قصدي 🥴 بس مستحيه من زوجي و اهله كذا عيد اعيد مع اهلي وقتها يكون زوجي اما عندهم او مداوم و ما يمدي اروح لهم الا بعد ما يخلص العيد لو مكاني شتسوون🤔.
الله يبلغنا العيد و يفرحنا جميعاً فيه 💞💞💞