الفتة -التسقية لعزيزة

المطلوب:
حمص مسلوق وطري منيح
حمض- توم مدقوق -طحينة-ملح -سمنة-خبز مفتوت
مسبحة(بتشديد الباء)إن لم يوجد عندك اعملي الطريقة التالية:
-المسبحة-
ضعي مقدار من الحمص بالخلاط مع شوية توم مدقوق وحمض وطحينة وملح واخلطيهم سويا وإن احتاج الأمر أضيفي قليلا من مرق الحمص للخليط لأنها ستصبح ناشفة وأنت تتحكمين بحموضتها أو الثوم
وكل ما كانت الطحينة أكثر فتكون طعمتها أطيب
هذه هي المسبحة
----------------------
أما التسقية فالطريقة:
أحضري زبدية كبيرة وضعي فيها الخبز المقسم أو المفتوت لقطع صغيرة ورشيهم بشوية ملح واخلطيهم
بعدين حضري على جنب البدوة:هي عبارة عن المسبحة بس تزيدي عليها كم ملعقة لبن وسوية مرق حمص حتى تصير مريقة وسهلة الخلط مع الحمص وطبعا عدلي الحمض والثوم حسب رغبتك
وبعدين ضعي مقدار كبجاية أو اثنيتين من المرق مع الحمص فوق الخبز واخلطيهم حتى يصل المرق
لهم بس ما تكتري بعدين رتبي الخبز بالأسفل وضعي على الوجه حمص من دون مرقة وراعي تساوي مقدار الحمص مع الخبز والحمص يكون أزود شوي
وبعدين صبي البدوة فوق الحمص واعملي حسابك تكون كافية لتصل لسفل لزبدة وبعدين رشي الوجه بشطة أو بهار خفيف حسب رغبتك
وحمي سمنة منيح وصبيها فوق التسقية وإذا بدك مع صنوبر
وقدميها مع طبق مخلل واعملي حسابك تاخدي قيلولة بعد أكلها فورا لأن هي ثقيلة نوعا ما
بس طييييييييييييييييييبة
وأي سؤال أنا حاضرة