بمناسبة قدوم عيد الاضحى المبارك وحبيت اكون اول من يهنئكم باكله من مطبخ هيومه كل البيوت العربيه لاتستغنى عنها فى عيد الاضحى
المقادير
الزياده والنقصان حسب عدد اللى حاياكلوا
انا استعملت كيلو نصف لحم غنم ( ضانى)
2 رغيف عيش مقمر او عيش شامى اللى متوافر عندك
5 كوب ارز
فصوص ثوم
معلقه صلصه
زبده صفراء او سمن بلدى
نصف كاس خل
ملح وفلفل اسمر وبصله متوسطه وحبهان ومستكه وورق لورا
الطريقه سهله جدا جدا
اول شيئ نجيب قدر فيه مويه يكفى لسلق اللحم ونضع البهار والبصله
ونغطيه ونتركه لغايه مايغلى اسقط اللحم واتركه يستوى
حانسوى الارز بالطريقه العاديه بتاعتنا
حانكسر الخبز فى صينيه
لو حاتستعملى العيش الشامى ( الابيض ) يبقى حمصيه تحت شوايه الفرن ( الجريل ) وبعدين تكسريه وممكن تضعى عليه معلقه زبد سايح بعد التحميص بيبقى طعمه رائع
حانطحن الثوم ونحمره فى معلقه السمن او الزبد
اول مايتحمر نضع عليه الخل ونتركه دقيقه واحده على النار ونرفعه ونتركه جانبا
حاناخذ معلقتين من الخل والثوم المحمر فى طاسه ونضع عليهم معلقه الصلصه وقليل من الملح وفلفل اسمر
نصب مرقه على العيش
ونفرش عليه الارز بتاعنا
نرش الارز بالخل والثوم
نحمر اللحم يعنى يادوب لونه يتغير يعنى تشوحيه فى الزبد
ونرص عليه اللحم
ونصب الصلصه
ونصب والمرقة ورشه فلفل اسمر على الوجة وبالف هنا وشفا
وكل عام وانتم بخير وعيد سعيد عليكم